مودي پرەمەر-مينيستر لاۋازىمىن ساقتاپ قالۋى مۇمكىن. فوتو: VAO

جەكسەنبى كۇنى ءۇندىستاندا ۇلكەن سايلاۋ اياقتالدى. داۋىس بەرۋ كەزىندەگى تەلەارنالار جۇرگىزگەن ساۋالناما ءۇندىستاننىڭ پرەمەر-ءمينيسترى رەتىندە نارەندرا ءموديدىڭ قايتا سايلانۋى مۇمكىن ەكەنىن كورسەتتى.

ۇندىستانداعى سايلاۋ بەس اپتاعا جالعاسىپ، بىرنەشە ءجۇز ميلليونداعان حالىق داۋىس بەردى. مودي باسقارعان ۇلتشىلدار پارتياسى جەڭىسكە جەتۋى مۇمكىن دەپ بولجانۋدا. بىراق، ۇلتتىق كەڭەستە باسىم ورىندى يەلەي الماۋى دا مۇمكىن دەگەن بولجامدار دا بار. ءۇندىستاننىڭ تەلەارنالارى جۇرگىزگەن ساۋالناما ناتيجەسىنە قاراعاندا، ۇلتتىق كەڭەستىڭ 545 ورىننىڭ باسىم كوبىن حالىقتىق پارتيا جەڭىپ الۋى مۇمكىن ەكەن.

كەزەكتى سايلاۋدا، راحۋل گاندي باسقاراتىن وپپوزيتسيالىق ۇلتتىق كونگرەسس پارتياسى حالىقتىق پارتياعا جول بەرىپ قويدى.  دەگەنمەن، 2014 جىلمەن سالىستىرعاندا ۇلتتىق كونگرەسس پارتياسى كوبىرەك داۋىس جيعان.

دەگەنمەن، ۇندىستانداعى سايلاۋ وتە اۋقىمدى ءارى كۇردەلى بولادى. ءۇندىستاننىڭ ميللياردتان استام حالقى سايلاۋدا بەلسەندىلىك تانىتادى. كەزەكتى سايلاۋدىڭ وزىنە 900 ميلليونعا جۋىق ۇندىستاندىق قاتىسقان. سوندىقتاندا، تەلەكانالدار جۇرگىزگەن ساۋالناما ناتيجەسى دۇرىس بولماي شىعۋى دا مۇمكىن. سايلاۋدىڭ سوڭعى قورىتىندىسى بەيسەنبى كۇنى جاريالانادى.

“The Qazaq Times”