Esteriñizde bolsa, QR Ükimeti Konstiutciyağa özgeris engizu boyınşa tıñ zañ jobasın wsınğan edi. Alayda, ol halıqtıñ müddesine say emes bolıp, qalıñ jwrttıñ narazılığın tudırğan.  Konstituciyadağı osı özgeristege baylanıstı portalımız ğalım pikirin jariyalağan bolatın.

Bügin, 1 naurız, yağni Alğıs küni Qazaqstan Prezidenti N.Nazarbaev atalmış 26 baptıñ özgerissiz qalatının ayttı. Ükimet wsınğan zañ jobasında 26 baptağı "Qazaqstan azamatı zañdı türde alğan qanday da bolsın mülkin jeke menşiginde wstay aladı" degen söylemdegi "Qazaqstan azamatı" sözinniñ ornına "ärkim" dep özgertu közdelgen. Alayda, bwğan qoğam belsendileri, wltşıl, patriottar, jastar qarsı bolıp, 26 baptıñ özgertilmeuin talap etken. Konstituciyağa kiretin özge de özgerister jan-jaqtı talqılanğan bolatın. Soñğı şeşimge say, 26 bap özgerissiz qaldı. Bwl turalı Aqordanıñ Twitter-degi resmi paraqşasında jariyalandı.

Bwl jaylı Prezident te öz pikirin bildirdi. Ol Astanadağı bilik tarmaqtarı arasında ökilettilikterdi bölu taqırıbına arnalğan jwmısşı tobınıñ otırısında bwl bap boyınşa zañgerler ülken jwmıs jürgizgenin,  tüsindirilgenin ayttı. «Özgeristi qabıldap jiberuge bolar edi. Biraq, konstituciyanıñ atı - konstituciya... Konstituciyağa qatıstı minsiz konsensus boluı qajet. Negizgi halıq konstituciyanı qoldauı kerek. Osığan baylanıstı 26 baptı bwrınğı küyinde qaldırudı wsınamın» dedi.

“The Qazaq Times”