العىس ايتۋ كۇنى اقوردا حالىقتى قۋانتقان شەشىم جاسادى

ەستەرىڭىزدە بولسا، قر ۇكىمەتى كونستيۋتتسياعا وزگەرىس ەنگىزۋ بويىنشا تىڭ زاڭ جوباسىن ۇسىنعان ەدى. الايدا، ول حالىقتىڭ مۇددەسىنە ساي ەمەس بولىپ، قالىڭ جۇرتتىڭ نارازىلىعىن تۋدىرعان.  كونستيتۋتسياداعى وسى وزگەرىستەگە بايلانىستى پورتالىمىز عالىم پىكىرىن جاريالاعان بولاتىن.

بۇگىن، 1 ناۋرىز، ياعني العىس كۇنى قازاقستان پرەزيدەنتى ن.نازارباەۆ اتالمىش 26 باپتىڭ وزگەرىسسىز قالاتىنىن ايتتى. ۇكىمەت ۇسىنعان زاڭ جوباسىندا 26 باپتاعى "قازاقستان ازاماتى زاڭدى تۇردە العان قانداي دا بولسىن مۇلكىن جەكە مەنشىگىندە ۇستاي الادى" دەگەن سويلەمدەگى "قازاقستان ازاماتى" ءسوزىننىڭ ورنىنا "اركىم" دەپ وزگەرتۋ كوزدەلگەن. الايدا، بۇعان قوعام بەلسەندىلەرى، ۇلتشىل، پاتريوتتار، جاستار قارسى بولىپ، 26 باپتىڭ وزگەرتىلمەۋىن تالاپ ەتكەن. كونستيتۋتسياعا كىرەتىن وزگە دە وزگەرىستەر جان-جاقتى تالقىلانعان بولاتىن. سوڭعى شەشىمگە ساي، 26 باپ وزگەرىسسىز قالدى. بۇل تۋرالى اقوردانىڭ Twitter-دەگى رەسمي پاراقشاسىندا جاريالاندى.

بۇل جايلى پرەزيدەنت تە ءوز پىكىرىن ءبىلدىردى. ول استاناداعى بيلىك تارماقتارى اراسىندا وكىلەتتىلىكتەردى ءبولۋ تاقىرىبىنا ارنالعان جۇمىسشى توبىنىڭ وتىرىسىندا بۇل باپ بويىنشا زاڭگەرلەر ۇلكەن جۇمىس جۇرگىزگەنىن،  تۇسىندىرىلگەنىن ايتتى. «وزگەرىستى قابىلداپ جىبەرۋگە بولار ەدى. بىراق، كونستيتۋتسيانىڭ اتى - كونستيتۋتسيا... كونستيتۋتسياعا قاتىستى ءمىنسىز كونسەنسۋس بولۋى قاجەت. نەگىزگى حالىق كونستيتۋتسيانى قولداۋى كەرەك. وسىعان بايلانىستى 26 باپتى بۇرىنعى كۇيىندە قالدىرۋدى ۇسىنامىن» دەدى.

“The Qazaq Times”