Ämirjan Qosanov: Biz saylau turalı zañdı sözsiz özgertemiz

Prezidenttikke ümitker Ämirjan Qosanov baspasöz mäslihatın ötkizdi.

Bügin elordada «Wlt tağdırı» qozğalısı atınan prezident saylauına qatısıp jatqan oppoziciyalıq sayasatker Ämirjan Qosanov BAQ ökilderimen kezdesip, swraqtarına jauap berdi. Ol soñğı uaqıttarı qoğamda qızu talqılanıp jatqan JSDP partiyasınıñ saylauğa baykot jariyalauına, öziniñ «Wlt tağdırı» atınan kandidat bolıp wsınıluına qatıstı mälimdeme jasadı.

«Aldında qoğamda ülken pikir-talas boldı. Äleumettik jelide, demokratiyalıq küşter arasında «osı saylauğa qatısu kerek pe, kerek emes pe?» - dep. Mäselen bizdiñ JSDP-dağı äriptesterimiz bwl saylauğa baykot jariyaladı. Biraq demokratiyalıq küşterdiñ basım köpşiligi, onıñ işinde Dos Köşim basqaratın «Wlt tağdırı» qozğalısı öziniñ jiının jasap, meni kandidat retinde wsındı. Sondıqtan biz osı saylauğa kelip twrmız. Betimiz aşıq. Zañ bwzbaymız. Zañdı biz özgertudi talap etemiz. Biz prezident bolğanda, parlamentke kelgende saylau turalı zañdı sözsiz özgertemiz. Biraq qolda barın paydalanıp, büginnen bastap qol jinauğa kirisemiz» - dedi Qosanov.

Esteriñizge salayıq, keşe til komissiyasınıñ törağası Mırzatay Joldasbekov Ämirjan Qosanovtıñ til sınağınan sürinbey ötkendigin jäne qazaq tilin erkin meñgergendigin mälimdegen. Qosanovtıñ özi til sınağında «TMD tarihı jäne bügini» taqırıbında şığarma jazğandığın, Qadır Mırzalievtıñ öleñderin oqıp, «Öner bilim bar jwrtta» taqırıbında oy-tolğau aytqandığın jetkizgen.

Qazaqstanda kezekten tıs prezident saylauı mausım ayınıñ 9-ı küni ötedi.

"The Qazaq Times"