Stambulda Ospan batırğa arnalğan konferenciya ötti. Foto: Äbdiuaqap Qara -FB paraqşasınan.

Ospan batır – 120 jıl. Wltazattıq köterilisiniñ jetekşisi Ospan batır Silämwlınıñ 120 jıldıq mereytoyı halıqaralıq deñgeyde atalıp ötilde. Osı aptada batırdı eske alu şaraları Türkiyada jalğasın taptı.

Stambul qalasındağı Mimar Sinan Universitetinde 25 säuir küni Ospan batırğa arnalğan halıqaralıq konferenciya ötip, batır esimi wlıqtaldı. Ospan batırdı eske aluğa arnalğan şara atalğan universitettiñ  Tarih fakul'tetiniñ qoldauımen, tarih ğılımdarınıñ doktorı Äbdiuaqap Qaranıñ wyımdastıruımen ötken. Konferenciyağa Qazaqstan men Türkiya jäne Europanıñ är elinen kelgen tarihşı, jazuşı ğalımdar, qoğam qayratkerleri, diplomattar jäne Türkiya men Europada twratın qazaq diasporasınıñ ökilderi qatıstı.

Ospan batır turalı ata jwrtta şığarılğan kitaptar Türkiyadağı zertteuşiler men oqırmandarğa tartu etildi.

Konferenciyada Qazaqstannıñ Türkiyadağı bwrınğı ökiletti elşisi, sayasatker Baltaş Twrsınbaev, Ş. Uälihanov atındağı Tarih jäne etnologiya institutınıñ direktorı Ziyabek Qabıldinov, t.ğ.d. Äbdiuaqap Qara, «Er Jänibek» halıqaralıq qoğamdıq qorınıñ prezidenti Jeñis Türkiya, jazuşı Jädi Şäkenwlı, belgili däriger, aqın-kompozitor Tolqın Aqan, sonday-aq, Ospan batır jäne Türkiya qazaqtarı turalı alğaş doktorlıq dissertaciya qorğağan ğılım doktorları Dosjan Toqtar Ömirqwl men Tekin Tunjar qatarlı qatısuşılar söz tizginin wstap, Ospan batırğa arnalğan jiınnıñ mazmwnın keñeytti.

"Er Jänibek" qorınıñ prezidentine sıylıq tabıs etildi.

Sonımen birge, alqalı jiında Altaydan Anadolığa jetken köştiñ kuägeri Dälelhan Janaltay estelikteriniñ türik tilindegi jaña kitabınıñ twsauı kesilip, jiın qonaqtarına wsınıldı. Aqın Tolqın Aqanwlı "Ospannıñ armanın arqalap qinalıp jürgen wrpaqtarına ie bolğan Türki halqına rahmet retinde "Türki elim" attı jırın oqıdı.

;feature=youtu.be

Ospan batır Silämwlı – qazaq wltazattıq köterilisiniñ ötken ğasırdağı körnekti jetekşileriniñ bir häm biregeyi. Ol Altaydağı wltazattıq köterilisine jetekşilik ete otırıp, eki birdey qızıl imperiyağa, Gomin ükimetine jäne Keñes odağı tarabınan qwrılğan quırşaq ükimet ŞTR-ğa qarsı küres jasağan wlt qaharmanı. Biıl Ospan batırdıñ düniege kelgenine 120 jıl toluına oray, «Er Jänibek» halıqaralıq qoğamdıq qorı bas bolıp, özge de qoğamdıq wyımdardıñ at salısuımen jıl boyı merekelik şaralar ötkizilmek.

“The Qazaq Times”