Auğanstannıñ ükimetke qarastı qarulı küşteri. Foto; The World Weekly.

Auğanstanda jıl basınan beri qarulı şabuıldar men qaqtığıstardan 1192 adam qaza tapqan. Qaza tapqandardıñ jartısına juığı beybit twrğındar bolğan. Bwl turalı BWW-nıñ Auğanstanğa kömek beru wyımınıñ ökilderi mälimdegen.

Atalğan wyımnıñ mälimdemesinde, 2019 jıldıñ alğaşqı 3 ayında türli qaqtığıstardan 1192 adam qaza tapqan, olardıñ arasında 150 balanı qamtığan 581 beybit twrğın da bar.

Sonday-aq, mälimdemede mıñnan astam adamnıñ ölimine sebep bolğan osı qaqtığıstardıñ 39 payızı Taliban tarabınan, 12 payızı DAIŞ tarabınan,  17 payızı ükimettik küşterden, 13 payızı eldegi şeteldik küşterdiñ, 19 payızına eldegi özge oppoziciyalıq küşter tarabınan jasalğan.

Azamattıq şığındardıñ basım köbi qarulı qaqtığıstardan bolğan, bwdan tıs jankeşti şabuıldar  men jarılıstardan da köptegen adam qaza tapqan. Bwl körsetkiş qaqtığıstar men şabuıldardıñ bıltırğıdan köp bolğanın körsetedi. Qaza bolğandar sanı da bıltırğı wqsas mezgilden 391 adamğa köp.

“The Qazaq Times”