Prezident Qasım-Jomart Toqaev Konstituciyalıq keñeske ötiniş tüsirdi.

Säuir ayınıñ 23-i küni Konstituciyalıq keñes memleket basşısı Qasım-Jomart Toqaevtıñ ötinişin qarauğa kiriskenin mälimdedi. Keñes baspasöz qızmetiniñ mälimetinşe, Toqaev Ata Zañdağı 41 babtıñ 2-şi tarmağına tüsinikteme berudi swrağan.

Atap aytqanda memleket basşısı prezidenttikke ümiter kandidattarğa qoyılatın talaptardıñ «Ümitker Qazaqstanda on bes jıldan artıq uaqıt twruı tiis» - degen böligine tüsinikteme berudi ötingen. Ötinişte prezident «Qazaqstan atınan şetelderde jwmıs istegen uaqıt ötilimi qoyılğan talap merzimine qosıp eseptele me?» degen swraqqa jauap berudi swrağan.

Qazaqstan Respublikası Konstituciyasınıñ 41 babınıñ 2-şi tarmağında:

«Qazaqstan Respublikasınıñ Prezidenti bolıp tumısınan Respublika azamatı bolıp tabılatın, qırıq jasqa tolğan, memlekettik tildi erkin meñgergen, Qazaqstanda soñğı on bes jıl boyı twratın jäne joğarı bilimi bar Respublika azamatı saylana aladı. Konstituciyalıq zañda Respublika Prezidenttigine kandidattarğa qosımşa talaptar belgilenui mümkin» - delingen.

Esteriñizge salayıq, bwğan deyin halıq arasında «Qasım-Jomart Toqaev zañ boyınşa prezident saylauına qatısa almaydı. Sebebi onıñ Qazaqstan aumağında twru merzimi Konstituciyada körsetilgen talaptarğa säykes kelmeydi» - degen mäsele qızu talqılanğan.

Bügin  «Nwr Otan» partiyasınıñ qwrıltayında QR twñğış prezidenti Nwrswltan Nazarbaev mausımnıñ 9-ı küni ötetin kezekten tıs prezident saylauına partiya atınan Qasım-Jomart Toqaevtıñ kandidaturasın wsınatının mälimdedi. Keyinnen onıñ bwl wsınısın partiya müşeleri bir auızdan maqwldadı.

"The Qazaq Times"