Qazaqstan men Özbekstan tauar aynalımın 2020 jılğa qaray 5 mlrd dollarğa jetkizbek. Bwl turalı Qazaqstan prezidenti Qasım-Jomart Toqaev Özbekstan wlttıq aqparattıq agenttigine (ÖzA) bergen swhbatında ayttı.
«Qazir mañızdı mindetterdiñ biri sauda-ekonomikalıq baylanıstı nığaytıp, şekaralıq qarım-qatınastı äri qaray damıtu. Bwl salada eki eldiñ mümkindigi jeterlik. Jospar boyınşa, Qazaqstan men Özbekstan 2020 jılğa qaray tauar aynalımın 5 mlrd dollarğa jetkizbek», - dedi Toqaev.
Sonday-aq, Qazaqstan prezidenti swqbatında eki eldiñ strategiyalıq ıntımaqtastığınıñ nığayuına elbası Nwrswltan Nazarbaev pen Özbekstan prezidenti Şavkat Mirziyaev eleuli üles qostı dep atap ötti. Sonımen birge, ol eki el dostığınıñ äri qaray da mäñgi jalğasa beretinine senimdi ekenin jetkizdi.
Ayta keteyik, Qazaqstan prezidenti Qasım-Jomart Toqaev memlekettik issaparmen Özbekstanğa bardı. Toqaevtı Özbekstan prem'er-ministri Abdulla Aripov, sırtqı ister ministri Abdulaziz Kamilov jäne Taşkent meri Johangir Artıqqojaev kütip alğan edi. Saparda ädettegidey sauda, äleumettik-gumanitarlıq mäselelerge qosa kölik-tranzit mäselesi de talqılanadı kütilude. Sonday-aq, Toqaev Özbekstandağı Qazaqstan jılınıñ saltanattı aşılu räsimine qatıspaq.
GAZADAĞI TARIHI BETBWRIS: HAMAS ÄKİMŞİLİK BILİKTEN BAS TARTTI. AYMAQTI ENDİ KİM BASQARADI?
AQŞ pen Iran kelissözi qayta jalğaspaq: Doha kezdesui şielenisti bäseñdete me?
Ukraina-Resey soğısı «energetikalıq duel'ge» aynalıp ketti
Memorandumnıñ küyreui: Parsı şığanağındağı dauıl&älemdik tärtiptiñ sın sağatı soğıp twr
Ormuz dağdarısı: AQŞ pen Iran arasındağı uaqıtşa bitim nege tez bwzıldı?
Qonaevtağı sot: Advokatı Almasbek Sadırbayğa jasalğan qısım turalı mälimdedi, al subsidiya soması sotta «qısqarıp» jatır
