قازاقستان مەن وزبەكستان تاۋار اينالىمىن 2020 جىلعا قاراي 5 ملرد دوللارعا جەتكىزبەك. بۇل تۋرالى قازاقستان پرەزيدەنتى قاسىم-جومارت توقاەۆ وزبەكستان ۇلتتىق اقپاراتتىق اگەنتتىگىنە ء(وزا) بەرگەن سۇحباتىندا ايتتى.
«قازىر ماڭىزدى مىندەتتەردىڭ ءبىرى ساۋدا-ەكونوميكالىق بايلانىستى نىعايتىپ، شەكارالىق قارىم-قاتىناستى ءارى قاراي دامىتۋ. بۇل سالادا ەكى ەلدىڭ مۇمكىندىگى جەتەرلىك. جوسپار بويىنشا، قازاقستان مەن وزبەكستان 2020 جىلعا قاراي تاۋار اينالىمىن 5 ملرد دوللارعا جەتكىزبەك»، - دەدى توقاەۆ.
سونداي-اق، قازاقستان پرەزيدەنتى سۇقباتىندا ەكى ەلدىڭ ستراتەگيالىق ىنتىماقتاستىعىنىڭ نىعايۋىنا ەلباسى نۇرسۇلتان نازارباەۆ پەن وزبەكستان پرەزيدەنتى شاۆكات ميرزياەۆ ەلەۋلى ۇلەس قوستى دەپ اتاپ ءوتتى. سونىمەن بىرگە، ول ەكى ەل دوستىعىنىڭ ءارى قاراي دا ماڭگى جالعاسا بەرەتىنىنە سەنىمدى ەكەنىن جەتكىزدى.
ايتا كەتەيىك، قازاقستان پرەزيدەنتى قاسىم-جومارت توقاەۆ مەملەكەتتىك ىسساپارمەن وزبەكستانعا باردى. توقاەۆتى وزبەكستان پرەمەر-ءمينيسترى ابدۋللا اريپوۆ، سىرتقى ىستەر ءمينيسترى ابدۋلازيز كاميلوۆ جانە تاشكەنت مەرى جوحانگير ارتىققوجاەۆ كۇتىپ العان ەدى. ساپاردا ادەتتەگىدەي ساۋدا، الەۋمەتتىك-گۋمانيتارلىق ماسەلەلەرگە قوسا كولىك-ترانزيت ماسەلەسى دە تالقىلانادى كۇتىلۋدە. سونداي-اق، توقاەۆ وزبەكستانداعى قازاقستان جىلىنىڭ سالتاناتتى اشىلۋ راسىمىنە قاتىسپاق.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟
