Ündistan auanıñ lastanuınan köbirek zardap şegip jatqan el. Foto: ANKIT SRINIVAS/BBC.

Halıqaralıq jaña zertteu nätijesi boyınşa, lastanğan auanıñ adamnıñ ömir süru wzaqtığın orta eseppen 20 ayğa qısqartatını mälim boldı. Sonday-aq, auanıñ lastanuınan adamdardıñ ölu mölşeri bezgek pen jol apatınan qaytıs bolatındardan äldeqayda köp ekeni rastaldı.

Auğanıñ lastanuına qarsı halıqaralıq zertteu men The State of Global Air study jariyalağan mälimette 2017 jılı bükil älem boyınşa 5 mln adam auanıñ lastanuınan bolatın aurulardan köz jwmğan. Bwnıñ 1,2 mln adamı ündistandıq. Dünie halqında oñtüstik aziyalıqtar eñ las auamen tınıstaytındar bolıp sanaladı. Bwl jağıday Qıtayda da mäz emes. Beyjiñ ükimeti aua lastanuınıñ aldın alu şaraların jasap keledi.

Oñtüstik Aziya elderinde aua lastanuı jıl sayın küşeyip keledi. Köptegen qalalarda, äsirese qıs mezgilderinde auanıñ lastanuı qauipsizdik deñgeyinen 30 esege deyin asıp ketedi.

BWW tarabınan bıltır jariyalanğan mälimetke qarağanda, Jer şarı klimatınıñ jılınuınan da Oñtüstik Aziya elderi köbirek zardap şegude. Boljamğa sener bolsaq, endi 50 jıldan keyin Ündistannıñ oñtüstigi, Bangladeş, Şri-Lanka jerlerinde adam ömir sürui mümkin bolmay qaluı mümkin. Bwl jahandıq massalıq migraciya qaupin eskertedi.

“The Qazaq Times”