حالىقارالىق جاڭا زەرتتەۋ ناتيجەسى بويىنشا، لاستانعان اۋانىڭ ادامنىڭ ءومىر ءسۇرۋ ۇزاقتىعىن ورتا ەسەپپەن 20 ايعا قىسقارتاتىنى ءمالىم بولدى. سونداي-اق، اۋانىڭ لاستانۋىنان ادامداردىڭ ءولۋ مولشەرى بەزگەك پەن جول اپاتىنان قايتىس بولاتىنداردان الدەقايدا كوپ ەكەنى راستالدى.

اۋعانىڭ لاستانۋىنا قارسى حالىقارالىق زەرتتەۋ مەن The State of Global Air study جاريالاعان مالىمەتتە 2017 جىلى بۇكىل الەم بويىنشا 5 ملن ادام اۋانىڭ لاستانۋىنان بولاتىن اۋرۋلاردان كوز جۇمعان. بۇنىڭ 1,2 ملن ادامى ۇندىستاندىق. دۇنيە حالقىندا وڭتۇستىك ازيالىقتار ەڭ لاس اۋامەن تىنىستايتىندار بولىپ سانالادى. بۇل جاعىداي قىتايدا دا ءماز ەمەس. بەيجىڭ ۇكىمەتى اۋا لاستانۋىنىڭ الدىن الۋ شارالارىن جاساپ كەلەدى.

وڭتۇستىك ازيا ەلدەرىندە اۋا لاستانۋى جىل سايىن كۇشەيىپ كەلەدى. كوپتەگەن قالالاردا، اسىرەسە قىس مەزگىلدەرىندە اۋانىڭ لاستانۋى قاۋىپسىزدىك دەڭگەيىنەن 30 ەسەگە دەيىن اسىپ كەتەدى.

بۇۇ تارابىنان بىلتىر جاريالانعان مالىمەتكە قاراعاندا، جەر شارى كليماتىنىڭ جىلىنۋىنان دا وڭتۇستىك ازيا ەلدەرى كوبىرەك زارداپ شەگۋدە. بولجامعا سەنەر بولساق، ەندى 50 جىلدان كەيىن ءۇندىستاننىڭ وڭتۇستىگى، بانگلادەش، شري-لانكا جەرلەرىندە ادام ءومىر ءسۇرۋى مۇمكىن بولماي قالۋى مۇمكىن. بۇل جاھاندىق ماسسالىق ميگراتسيا قاۋپىن ەسكەرتەدى.

“The Qazaq Times”