Foto: https://delo.ua

Efiopiyadağı wşaq apatı saldarınan birneşe äue kompaniyaları Boeing 737 laynerleriniñ wşuın uaqıtşa toqtattı. Olardıñ qatarında Qazaqstan men Türkiya da bar.

Qazaqstan azamattıq aviaciya komitetiniñ habarlauınşa: «2019 jıldıñ 13 naurızınan Qazaqstan "Scat" kompaniyasına tiesili Boeing 737 MAX wşağın paydalanudı uaqıtşa toqtattı. Qazaqstan reesterinde osı model'degi jalğız wşaq tirkelgen».

Türik äue kompaniyaları da «Boeing 737 MAX 8» ben «Boeing 737 MAX 9» tipti wşaqtarınıñ äuege köteriluine tıyım saldı. Bwl turalı Türkiya kölik jäne infraqwrılım ministrligi habarladı. Oğan laynerdiñ soñğı 5 ayda ekinşi ret qwlauı sebep. Osılayşa «Boeing 737 MAX» wşağına tıyım salğan elderdiñ qatarı artqan. Osığan deyin Wlıbritaniya men Franciya wşaqtan bas tartsa, Malayziya, Avstraliya, Indoneziya, Qıtay men Singapur biligi äue kemesin bwdan bılay saparğa şığarmaytın boldı. Key memleketter atalmış tipti wşaqtardı qayta baqılaudan ötkizu turalı şeşim qabıldağan.

Esteriñizge salayıq, jeksenbi küni Debre-Zeyt qalası mañında «Ethiopian Airlines» kompaniyasına tiesili «Boeing 737 Max» wşağı apatqa wşırap, saldarınan 157 adam köz jwmğan. 2018 jılı qazan ayında Indoneziyada tap osı model'di layner qwlap, 189 jolauşı qaza tapqan edi.

"The Qazaq Times"