ەفيوپياداعى ۇشاق اپاتى سالدارىنان بىرنەشە اۋە كومپانيالارى Boeing 737 لاينەرلەرىنىڭ ۇشۋىن ۋاقىتشا توقتاتتى. ولاردىڭ قاتارىندا قازاقستان مەن تۇركيا دا بار.
قازاقستان ازاماتتىق اۆياتسيا كوميتەتىنىڭ حابارلاۋىنشا: «2019 جىلدىڭ 13 ناۋرىزىنان قازاقستان "Scat" كومپانياسىنا تيەسىلى Boeing 737 MAX ۇشاعىن پايدالانۋدى ۋاقىتشا توقتاتتى. قازاقستان رەەستەرىندە وسى مودەلدەگى جالعىز ۇشاق تىركەلگەن».
تۇرىك اۋە كومپانيالارى دا «Boeing 737 MAX 8» بەن «Boeing 737 MAX 9» ءتيپتى ۇشاقتارىنىڭ اۋەگە كوتەرىلۋىنە تىيىم سالدى. بۇل تۋرالى تۇركيا كولىك جانە ينفراقۇرىلىم مينيسترلىگى حابارلادى. وعان لاينەردىڭ سوڭعى 5 ايدا ەكىنشى رەت قۇلاۋى سەبەپ. وسىلايشا «Boeing 737 MAX» ۇشاعىنا تىيىم سالعان ەلدەردىڭ قاتارى ارتقان. وسىعان دەيىن ۇلىبريتانيا مەن فرانتسيا ۇشاقتان باس تارتسا، مالايزيا، اۆستراليا، يندونەزيا، قىتاي مەن سينگاپۋر بيلىگى اۋە كەمەسىن بۇدان بىلاي ساپارعا شىعارمايتىن بولدى. كەي مەملەكەتتەر اتالمىش ءتيپتى ۇشاقتاردى قايتا باقىلاۋدان وتكىزۋ تۋرالى شەشىم قابىلداعان.
ەستەرىڭىزگە سالايىق، جەكسەنبى كۇنى دەبرە-زەيت قالاسى ماڭىندا «Ethiopian Airlines» كومپانياسىنا تيەسىلى «Boeing 737 Max» ۇشاعى اپاتقا ۇشىراپ، سالدارىنان 157 ادام كوز جۇمعان. 2018 جىلى قازان ايىندا يندونەزيادا تاپ وسى مودەلدى لاينەر قۇلاپ، 189 جولاۋشى قازا تاپقان ەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟