Mämin: Prezident bastamalarınıñ barlığı orındalatın boladı

«Prezident bastamalarınıñ barlığı orındalatın boladı» - dep mälimdedi prem'er-ministr Asqar Mämin.

Bügin Astana qalasında ötken ükimet otırısında Asqar Mämin prezidenttiñ halıqtıñ äl-auqatın arttıruğa bağıttalğan «Äleumettik qamqorlıq» bağdarlamasına qatıstı mälimdeme jasadı.

« Memleket basşısınıñ barlıq bastamaları qarjımen qamtılğan jäne tolıqtay jüzege asırılatın boladı» - dedi Mämin.

Bwdan bölek ükimet otırısında äleumettik-ekonomikalıq damu jäne qañtar-aqpan aylarındağı byudjet qarjısın igeruge qorıtındı jasaldı.

«Bizdiñ aldımızğa qoyılğan bastı maqsat – ekonomikanıñ twraqtı ösimi. Biz jalpı işki önimniñ 5 payızğa ösuin qamtamasız etuimiz kerek. Ol üşin barlığımiz jwmıla jwmıs isteuimiz qajet» - dep mälimdedi prem'er ministr.

Esteriñizge salayıq, Asqar Mämin ükimetiniñ jasaqtalğanına bir ayğa juıq uaqıt boldı. Bwğan deyngi Baqıtjan Sağıntaev kabinetin prezident Nazarbaev otstavkağa jibergen. Ol öziniñ bwl şeşimin « Sağıntaev ükimetiniñ özine jüktelgen mindetterin dwrıs atqarmauımen» tüsindirgen.

Jalpı, Mämin prem'er-ministr bolıp tağayındalğan uaqıtta sarapşılardıñ basım köpşiligi oğan «prezident bastamaların jüzege asıratın kezekti orındauşı» degen bağa bergen.

"The Qazaq Times"