Türik wltşıldarınıñ böri belgisi. Foto: middleeasteye.net.

Avstriya Parlamenti 2018 jıldıñ jeltoqsan ayında qabıldağan «Simvol zañı» 1 naurızdan bastap atqarıla bastağan. Atalğan zañ ayasında türik wltşıldarınıñ «kökböri» belgisi de Avstriya jerinde şektelgen bolatın. Alayda, bwğan qarsı narazılıqtar basılar emes.

Avstriya Parlament qabıldağan «Simvol zañı» ayasında elde DAIŞ, äl-Kaida, PKK, Hamas, Mwsılman bauırları, Hizbulla qatarlı terrorlıq wyımdardıñ belgilerin qamtığan 13 simvolğa şekteu qoyğan. Nasihattau men taratuğa, adamdar arasındağı qarım-qatınasta maqsattı paydalanuğa tıyım salğan bolatın.

Alayda, bwl tıyım salınğan belgiler arasında türik wltşıldarınıñ «kökböri» belgisiniñ boluı sol eldegi jäne Türkiya men Europa elderindegi türikterdiñ narazılığın qozğadı. Olar prem'er-ministr Kurctiñ äleumettik jelidegi paraqşasına narazılıq pikirlerimen birge «kökböri» belgisin qaldırğan.

Bwl narazılıqtarğa qarsı Avstriya prem'eri resmi mälimdeme jasauına tura keldi. Ol sözinde: «Bizdiñ demokratiyalıq qwndılıqtarımızdı qabılday almaytındarğa, oğan qarsı küresetinderge bwl elde orın joq. Zañğa bağınbaytındar qwqıqtıq jazağa tartıladı», – degen.

“The Qazaq Times”