Aleksey Poltoranin. foto: vesti.kz

Qazaqstan Wlttıq qwramasınıñ köşbasşısı Aleksey Poltoranin 2019 jılğı ÄÇ kezinde avstriyalıq policeylerdiñ twtqınına aynaldı. Qazirgi tañda sportşığa doping erejesin bwzdı degen ayıp tağılıp otır.

«Avstriyanıñ Zeevel'dtegi qazaqstan şañğı qwramasınıñ ştabı bwl jağdayğa qattı tañğalıp otır. Eger sportşınıñ doping qabıldağandığı ras bolsa, onda federaciya birden mälimdeme jasaydı. Qazirgi tañda biz sportşılardıñ erejege say emes ziyandı zattardı paydalanına qatañ türde tosqauıl qoyğan bolatınbız. Äzirge Poltoraninniñ naqtı doping qabıldağanı belgisiz», dedi Wlttıq şañğı jarısı federaciyasınıñ baspasöz-hatşısı Samal Naurızova.

Sonımen qatar, Alekseydiñ mwnday jağdayğa tap bolğandığına özi de qattı tañğaluda.

Esteriñizge sala keteyik, 27 aqpan küni Avstriyanıñ Zeefel'd tau-şañğı demalıs aymağında qazaqstandıq sportşı öziniñ eñ süyikti şaqırımı boyınşa jarısqa şıqpağan. Türli BAQ ökilderiniñ aqparatı boyınşa, Alekseymen birge estoniyalıq şañğışı Andrus Veerpalu jäne avstriyalıq Maks Hauke de doping paydalandı degen küdikke ilingen.

Nemis jäne avstriyalıq policeylerdiñ halıqaralıq doping jelisin aşu turalı ötkizgen akciyası barısında 9 adam qwrıqtalğan. Olardıñ işindegi 5- sportşılar. Qazirgi tañda bwl iske Poltoraninniñ qatısı bar ma, joq pa anıqtaluda.

"The Qazaq Tımes"