Belarus' prezidenti Aleksandr Lukaşenko Reseydiñ "odaq qwru" wsınısın qarauğa dayın ekendigin mälimdedi.

Belarus' tedegraf agenttiginiñ mälimetinşe, naurız ayınıñ 5-i küni Aleksandr Lukaşenko europalıq wyımdarmen äriptestik ornatu jäne ıntımaqtastıq forumında Reseymen odaq qwruğa baylanıstı mälimdeme jasağan.

«Belarus' (Reseymen – red) odaq qwru bastamasın qoldaydı. Bwnı birinşi kezekte bizdiñ Resey Federaciyasındağı jaqtastarımız ben qarsılastarımız estise eken deymin. Dese de, atalmış odaqtıñ bastı wstanımı bizdiñ azamattarımız ben käsiporındarımızdıñ teñdigi. Basqa şart boyınşa qanday da bir odaqtıñ boluı mümkin emes. Teñdik şartı saqtaluı tiis. Egemendik postulattarı Belarus' üşin berik bolıp qaladı» - dedi Lukaşenko.

Esteriñizge salayıq, bwğan deyin Lukaşenko Reseymen ortaq valyuta engizuge de dayın ekendigin aytqan. Jalpı, onıñ soñğı bir aptada osınşalıqtı deñgeyde belsendi boluın sarapşılar alda kele jatqan prezident saylauımen baylanıstıradı. Olardıñ sözinşe, Lukaşenko bwğan deyin jasalğan Resey wsınıstarın uaqıtşa qoldau arqılı saylau kezinde Mäskeuden qarjılay jäne özge de resurstar aludıñ jolın jasauda.

"The Qazaq Times"