Abılay han atındağı Qazaq Halıqaralıq Qatınastar jäne Älem Tilderi Universiteti. foto: nur.kz

Qazaqstandağı birneşe JOO gosreestr.kz saytında satılımğa qoyıldı. Respublika menşigine tiesili Abılay han atındağı Qazaq Halıqaralıq Qatınastar jäne Älem Tilderi Universiteti, Ö.A. Bayqoñırov atındağı Jezqazğan universiteti, Qazaq bas säulet-qwrılıs akademiyası, Almatı energetika jäne baylanıs universiteti 2019 jıldıñ 7 naurızında saudağa tüsetin boladı.

QR qarjı ministrliginiñ baspasöz qızmetiniñ aqparatı boyınşa satılım aukcion ädisi boyınşa jürgiziledi jäne belgilengen sommadan eñ joğarı bağa wsınğandardıñ qolına ötedi.

Sonımen birge Almatı energetika jäne baylanıs universitetiniñ 33,65% jäne qalğan JOO-nıñ 35 payızı satılımğa şığarılmaq. Bwdan bölek olardıñ bağaları da ärtürli boladı.

Qazirgi tañda Ö.A. Bayqoñırov atındağı Jezqazğan universitetiniñ belgilengen somması 336 396 978 teñge, Qazaq bas säulet-qwrılıs akademiyası 2 522 061 mıñ 695 teñge, Almatı energetika jäne baylanıs universiteti  1 401 617 089 teñgege bağalanuda.

Sonday-aq, Su sportı jäne qoldanbalı sport türleri boyınşa respublikalıq joğarı sport şeberligi mektebi de aukcionğa şığarılğan. Bastapqı qwnı - 331 060 000 teñge.

Qarjı ministrliginiñ mälimeti boyınşa: «Ob'ektilerdiñ barlığı elektrondı tender arqılı jürgizilip, ärbir satıp aluşı özderiniñ bağaların jabıq elektrondı konvert arqılı reestr veb-paraqşasında joldaydı».

Esteriñizge sala keteyik, ötken jılı Qazaqstan-Britan tehnikalıq universiteti 5,4 mln teñgege bağalanıp, 11,3 mlrd teñgege satılğan bolatın.

"The Qazaq Tımes"