قازاقستانداعى بىرنەشە جوو gosreestr.kz سايتىندا ساتىلىمعا قويىلدى. رەسپۋبليكا مەنشىگىنە تيەسىلى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى، ءو.ا. بايقوڭىروۆ اتىنداعى جەزقازعان ۋنيۆەرسيتەتى، قازاق باس ساۋلەت-قۇرىلىس اكادەمياسى، الماتى ەنەرگەتيكا جانە بايلانىس ۋنيۆەرسيتەتى 2019 جىلدىڭ 7 ناۋرىزىندا ساۋداعا تۇسەتىن بولادى.
قر قارجى مينيسترلىگىنىڭ ءباسپاسوز قىزمەتىنىڭ اقپاراتى بويىنشا ساتىلىم اۋكتسيون ءادىسى بويىنشا جۇرگىزىلەدى جانە بەلگىلەنگەن سوممادان ەڭ جوعارى باعا ۇسىنعانداردىڭ قولىنا وتەدى.
سونىمەن بىرگە الماتى ەنەرگەتيكا جانە بايلانىس ۋنيۆەرسيتەتىنىڭ 33,65% جانە قالعان جوو-نىڭ 35 پايىزى ساتىلىمعا شىعارىلماق. بۇدان بولەك ولاردىڭ باعالارى دا ءارتۇرلى بولادى.
قازىرگى تاڭدا ءو.ا. بايقوڭىروۆ اتىنداعى جەزقازعان ۋنيۆەرسيتەتىنىڭ بەلگىلەنگەن سومماسى 336 396 978 تەڭگە، قازاق باس ساۋلەت-قۇرىلىس اكادەمياسى 2 522 061 مىڭ 695 تەڭگە، الماتى ەنەرگەتيكا جانە بايلانىس ۋنيۆەرسيتەتى 1 401 617 089 تەڭگەگە باعالانۋدا.
سونداي-اق، سۋ سپورتى جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى دە اۋكتسيونعا شىعارىلعان. باستاپقى قۇنى - 331 060 000 تەڭگە.
قارجى مينيسترلىگىنىڭ مالىمەتى بويىنشا: «وبەكتىلەردىڭ بارلىعى ەلەكتروندى تەندەر ارقىلى جۇرگىزىلىپ، ءاربىر ساتىپ الۋشى وزدەرىنىڭ باعالارىن جابىق ەلەكتروندى كونۆەرت ارقىلى رەەستر ۆەب-پاراقشاسىندا جولدايدى».
ەستەرىڭىزگە سالا كەتەيىك، وتكەن جىلى قازاقستان-بريتان تەحنيكالىق ۋنيۆەرسيتەتى 5,4 ملن تەڭگەگە باعالانىپ، 11,3 ملرد تەڭگەگە ساتىلعان بولاتىن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى