Foto: Sputnik Kazahstan

Erbolat Dosaev Wlttıq Bank törağası bolıp tağayındaldı.

Parlament senatı Wlttıq Banktiñ su jaña törağası Dosaevtıñ kandidaturasın bir auızdan maqwldadı.

«Memleket basşısı Wlttıq Bank törağası Daniyar  Aqışevtıñ otstavkasın qabıldadı. Prezidenttiñ tapsırması boyınşa, men sizdermen Wlttıq Bank törağasınıñ kandidaturasın talqılauğa keldim. Nwrswltan Nazarbaev jaña törağa retinde Erbolat Dosaevtıñ kandidaturasın wsındı. Ol öziniñ qızmet jolında täjiribeli qarjıger ekendigin körsetti. Men sizderdiñ kelisim breuleriñizdi swraymın» - dedi deputattar aldında söylegen sözinde prezident äkimşiliginiñ törağası Äset Isekeşov.

Bwğan deyin Erbolat Dosaev prem'er-ministr orınbasarı bolıp qızmet atqarğan. Ol bwl qızmetke 2017 jıldıñ tamız ayında tağayındalğan.

1970 jıldıñ 21 mamırında Almatı qalasında düniege kelgen Erbolat Dosaev Forbes jurnalınıñ 2014 jılğı reytingi boyınşa, Qazaqstannıñ 50 bay adamnıñ qatarına engen. Onıñ sol kezdegi baylığı 110 million dollar bolğan.

"The Qazaq Times"