![](https://qazaqtimes.com/kk/content/uploads/2017/02/94825070_tass_15156240-800x480.jpg?token=3d338d8f478a809d0b0668d1b722be37)
Austriya biligi Siriyadan pana izdeuşi 27 jasar azamattı «terrorizm negizderi boyınşa kisi öltirdi» dep ayıptap otır. Zertteu nwsqaları boyınşa, ayıptaluşı qarusız jäne Humus soğısınan jaraqat alğan 20 adamdı mert qılğan. Bwl turalı bbc.com habarlaydı.
Sot procesi naurız ayınıñ ayağında boladı dep kütilude. Der Standard gazetiniñ mälimetterine süyensek, ayıptalıp otırğan azamat (esimi körsetilmegen) – Humustağı bosqındar lagerinde ösken, azamattığı joq palestinalıq adam.
Autriyalıq BAQ ayıptaluşı «Erkin Siriya armiyasımen» baylanısı bar islamdıq toptıñ qatarında soğısqanın jäne Ükimet sarbazdarın öltirgenin austriyalıq bosqındar ortalığındağı körşilerine özi aytıp bergen. Bwrınğı ömirin bilgendikten, bilik ökilderi bwl azamat turalı zertteudi ötken jılı-aq bastap ketken. Küdikti kinäsiz ekendigin alğa tartıp otır. Al advokattardıñ aytuınşa, oqiğa orın alğan kezeñde qorğanındağı azamat psihologiyalıq auır halde jatqan.
Ayıptaluşı Austriya azamatı bolmasa da jäne atalmış qılmıstı jasamasa da, onı Siriyadağı soğıs jağdayına baylanıstı ekstradaciyalau mümkin emes.
Özge eldiñ territoriyasında jasalğan qılmıs üşin ayıptaluşını sotqa beru, BBC agenttiginiñ mälimdeuinşe, Austriada birinşi ret orın alğan.
Jeneva konvenciyası qarusız nemese jaralı soldattardı öltiruge tıyım salğan. Austriyalıq resmi ökilderdiñ esebine säykes, küdiktiniñ äreketi lañkestik akt bolıp esepke alınadı jäne onı terrorizmmen küres jönindegi halıqaralıq kelisim boyınşa şeşim qabıldanuı tiis.
«The Qazaq Times»