اۋستريا بيلىگى سيريادان پانا ىزدەۋشى 27 جاسار ازاماتتى «تەرروريزم نەگىزدەرى بويىنشا كىسى ءولتىردى» دەپ ايىپتاپ وتىر. زەرتتەۋ نۇسقالارى بويىنشا، ايىپتالۋشى قارۋسىز جانە حۋمۋس سوعىسىنان جاراقات العان 20 ادامدى مەرت قىلعان. بۇل تۋرالى bbc.com حابارلايدى.
سوت پروتسەسى ناۋرىز ايىنىڭ اياعىندا بولادى دەپ كۇتىلۋدە. Der Standard گازەتىنىڭ مالىمەتتەرىنە سۇيەنسەك، ايىپتالىپ وتىرعان ازامات (ەسىمى كورسەتىلمەگەن) – حۋمۋستاعى بوسقىندار لاگەرىندە وسكەن، ازاماتتىعى جوق پالەستينالىق ادام.
اۋتريالىق باق ايىپتالۋشى «ەركىن سيريا ارمياسىمەن» بايلانىسى بار يسلامدىق توپتىڭ قاتارىندا سوعىسقانىن جانە ۇكىمەت ساربازدارىن ولتىرگەنىن اۋستريالىق بوسقىندار ورتالىعىنداعى كورشىلەرىنە ءوزى ايتىپ بەرگەن. بۇرىنعى ءومىرىن بىلگەندىكتەن، بيلىك وكىلدەرى بۇل ازامات تۋرالى زەرتتەۋدى وتكەن جىلى-اق باستاپ كەتكەن. كۇدىكتى كىناسىز ەكەندىگىن العا تارتىپ وتىر. ال ادۆوكاتتاردىڭ ايتۋىنشا، وقيعا ورىن العان كەزەڭدە قورعانىنداعى ازامات پسيحولوگيالىق اۋىر حالدە جاتقان.
ايىپتالۋشى اۋستريا ازاماتى بولماسا دا جانە اتالمىش قىلمىستى جاساماسا دا، ونى سيرياداعى سوعىس جاعدايىنا بايلانىستى ەكستراداتسيالاۋ مۇمكىن ەمەس.
وزگە ەلدىڭ تەرريتورياسىندا جاسالعان قىلمىس ءۇشىن ايىپتالۋشىنى سوتقا بەرۋ، BBC اگەنتتىگىنىڭ مالىمدەۋىنشە، اۋستريادا ءبىرىنشى رەت ورىن العان.
جەنەۆا كونۆەنتسياسى قارۋسىز نەمەسە جارالى سولداتتاردى ولتىرۋگە تىيىم سالعان. اۋستريالىق رەسمي وكىلدەردىڭ ەسەبىنە سايكەس، كۇدىكتىنىڭ ارەكەتى لاڭكەستىك اكت بولىپ ەسەپكە الىنادى جانە ونى تەرروريزممەن كۇرەس جونىندەگى حالىقارالىق كەلىسىم بويىنشا شەشىم قابىلدانۋى ءتيىس.
«The Qazaq Times»
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى