Qırğızstan parlamentiniñ deputatı Almambet Şıkmamatov. Foto: tazabek.kg

Qırğızstan parlamentiniñ deputatı Almambet Şıkmamatov: «Qazaqstan Qırğızstannan baratın kartop, qwrma jäne anar önimderine uaqıtılı su jiberilmegendikten şekteu qoydı» - dep mälimdedi.

«Anıqtalmağan aqparat boyınşa, Qazaqstan Qırğızstannan baratın kartop, anar jäne qwrma önimderine uaqıtılı su jiberilmegendikten şekteu qoyğan. Bügin bazarlarda kartop bağası arzandaydı. Sebebi kartoptıñ basım köpşiligin Qazaqstan satıp alatın. «Fitosanitarlıq erejelerge säykes kelmeydi» degen jay ğana sıltau. Bwğan deyin bizdiñ önimderdi eşqanday kedergisiz kirgizdi ğoy. Bügin erejelerge säykes kelmey qalıp pa? Ükimettiñ älsizdiginen, Qazaqstanmen dwrıs kelissözder jürgizbegendikten bwl problemanı öz deñgeyinde sezinbedik» - dedi Şıkmamatov Joğarı Keñes otırısında.

Qırğızstan ekonomika ministri Oleg Pankratovtıñ sözinşe, bıltır Qazaqstan öz aumağına Qırğızstannan baratın önimder arasında eşqanday qwjatı joq tauarlardıñ bar ekendigi jöninde aqparat tarağan.

«2019 jıldıñ qañtar ayınıñ 24-i küni Qazaqstan fitosanitarlıq qızmeti Astana qalasına qırğızstandıq mamandardı şaqırtıp, atalmış mäselege qatıstı kelissözder jürgizilgendigi belgili boldı. Onda Qazaqstan tarapı arnayı hattama toltırıp, mäseleniñ şeşiluine bir ay uaqıt bergen jäne talaptar orındalmağan jağdayda şekteuler bolatının eskertken» - dep mälimdedi Pankratov.

Esteriñizge salayıq, bwğan deyin Qırğızstan deputattarı Qazaqstan men Özbekstanğa su satu kerektigin aytıp bastama kötergen. Olardıñ sözinşe, Qazaqstan men Özbekstan osı uaqıtqa deyin Qırğızstannan baratın sudı paydalanğanı üşin eşqanday qarjı tölemegen. Tek su qoymaların jöndeuden ötkizu üşin ğana qarjı berip kelgen.

"The Qazaq Times"