Täjikstan sırtqı ister ministri Sirodjiddin Muhriddin. Foto: Aziya-Plyus

"Täjikstan biligi şekaradağı jağdaydı tolıq baqılauında wstap otır, qazir sırt jaqtan eşqanday qauip joq", - dep mälimdedi eldiñ sırtqı ister ministri Sirodjiddin Muhriddin Duşanbede ötkizgen arnayı baspasöz mäslihatı kezinde.

Täjik-auğan şekarasında sodırlar jinalıp jatır degen mälimetke qatıstı, Täjikstannıñ sırtqı ister ministri şekara qorğanısı mıqtı, äskerler jetkilikti deñgeyde qorğap twr dep jauap berdi.

Ol sonımen birge şekaradağı jağday birqalıptı ekenin, "Taliban" qozğalısınıñ ökilderi sodırların jiberip jatır degen aqparattıñ şındıqqa säykes kelmeytinin ayttı. "Biz Auğanstan biligimen tığız qarım-qatınastamız. Auğanstanmen şekaralas aymaq twraqtı. Auğanstan soltüstiginde ondağan terroristik top bar, biraq bizdiñ aymaqtıñ qorğanı jetkilikti deñdeyde", - dedi Sirodjiddin Muhriddin.

Osınıñ aldında Reseydiñ birqatar joğarı lauazımdı twlğaları Tayau Şığıstan terrorister belsendi türde Auğanstanğa köşip jatır dep mälimdep, Täjikstan üşin qauipti dep eskertken. Resey İİM orınbasarınıñ biri "Islam memleketi" IM tikwşaqtarımen sodırların Päkistannan Täjikstan şekarasına jappay jetkizip jatır degen. Biraq bwl mälimdemeni keyin Resey biliginiñ özi teriske şığardı.

"The Qazaq Times"