"تاجىكستان بيلىگى شەكاراداعى جاعدايدى تولىق باقىلاۋىندا ۇستاپ وتىر، قازىر سىرت جاقتان ەشقانداي قاۋىپ جوق", - دەپ مالىمدەدى ەلدىڭ سىرتقى ىستەر ءمينيسترى سيرودجيددين مۋحريددين دۋشانبەدە وتكىزگەن ارنايى ءباسپاسوز ءماسليحاتى كەزىندە.
تاجىك-اۋعان شەكاراسىندا سودىرلار جينالىپ جاتىر دەگەن مالىمەتكە قاتىستى، تاجىكستاننىڭ سىرتقى ىستەر ءمينيسترى شەكارا قورعانىسى مىقتى، اسكەرلەر جەتكىلىكتى دەڭگەيدە قورعاپ تۇر دەپ جاۋاپ بەردى.
ول سونىمەن بىرگە شەكاراداعى جاعداي بىرقالىپتى ەكەنىن، "تاليبان" قوزعالىسىنىڭ وكىلدەرى سودىرلارىن جىبەرىپ جاتىر دەگەن اقپاراتتىڭ شىندىققا سايكەس كەلمەيتىنىن ايتتى. ء"بىز اۋعانستان بيلىگىمەن تىعىز قارىم-قاتىناستامىز. اۋعانستانمەن شەكارالاس ايماق تۇراقتى. اۋعانستان سولتۇستىگىندە ونداعان تەرروريستىك توپ بار، بىراق ءبىزدىڭ ايماقتىڭ قورعانى جەتكىلىكتى دەڭدەيدە", - دەدى سيرودجيددين مۋحريددين.
وسىنىڭ الدىندا رەسەيدىڭ بىرقاتار جوعارى لاۋازىمدى تۇلعالارى تاياۋ شىعىستان تەرروريستەر بەلسەندى تۇردە اۋعانستانعا كوشىپ جاتىر دەپ مالىمدەپ، تاجىكستان ءۇشىن قاۋىپتى دەپ ەسكەرتكەن. رەسەي ءىىم ورىنباسارىنىڭ ءبىرى "يسلام مەملەكەتى" يم تىكۇشاقتارىمەن سودىرلارىن پاكىستاننان تاجىكستان شەكاراسىنا جاپپاي جەتكىزىپ جاتىر دەگەن. بىراق بۇل مالىمدەمەنى كەيىن رەسەي بيلىگىنىڭ ءوزى تەرىسكە شىعاردى.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى