foto: nur.kz

Türli oqiğalardan keyin iske kirisetin ministrlik bwl jolı da öz ädetinen jañılıspadı. Inspektor Erlan Nwrğalievtiñ qayğılı qazasınan keyin, brokon'erlerdiñ derekter bazasın qwrudı alğa tartqan Auıl şaruaşılığı vice-ministri Erlan Nısanbaev vedomstvonıñ alqa otırısında osınday mälimdeme jasadı.

«Brokon'erler men qılmıskerlerdiñ bazasın jasaudı wsındıq. Bwl baza İİM boladı. Osınday jolmen derekter bazasın jabdıqtalğan maşinaları boyınşa jasau qajet. Maşinalar kürdeli jol jağdayında qozğaluı üşin jabdıqtaladı. Jol joq jerlerdi belgili bir maqsatpen kesip ötedi. Maqsat – brokon'erlik ekenin biz jaqsı bilemiz»,  - dedi Nısanbaev.

Osıdan biraz uaqıt bwrın mäjilis deputat Roman Kim İİD men Bas prokuraturanıñ tergeu jwmıstarı öte tömen därejede ekendigin aytqan bolatın. Deputattıñ mwnday mälimdeme jasauınıñ özindik sebepteri de bar. Öytkeni, 2016 jılı Qarağandı oblısında qılmıskerler inspektorğa pışaq wrıp jaralağan bolatın. Alayda, bwl oqiğa processualdı qalıpqa say kelmeydi degen jeleumen toqtağan edi.

Sonday-aq, 2017 jılı Qorğaljıñ audanında brokon'erlar inspektordı qarumen qorqıtıp, öz üstemdikterin jürgizgisi kelgen. Biraq, bwl iske qatısı bar adamdar qılmıstıq jauapkerşilikke äli de bolsa tartılmağan.

Bwl BAQ betterine şıqqan oqiğalardıñ bir böligi ğana. Al, tabiğattı qorğau jolında qanşama inspektordıñ nazardan tıs zäbir körip jürgendigi beymälim. Sebebi, qazaqstannıñ barlıq aymağında brokon'erlik qılmıstıñ beleñ alıp twrğandığı belgili. Qızıl kitapqa engen januarlardı qorğau maqsatında, qızıl qanğa boyalğan azamattardı qorğap, qılmıskerlerge degen jaza qatañ bolmasa, onda tabiğattı qorğap qalu degen wran jäy ğana kitap betinde jazılıp qalatındığı belgili.

"The Qazaq Times"