Fotokollaj: Tengrinews.kz

Aqparat jäne kommunikaciya ministri Däuren Abaev örtten qaytıs bolğan bes büldirşinge qatıstı mälimdeme jasadı - dep habarlaydı QazAqparat.

«Bolğan oqiğa ülken tragediya. Qazir qara jamılğan otbasınıñ basına tüsken qayğını eñ jaman tüsiñde de körmeysiñ. Bükil el osı otbasımen birge qara jamıldı» -dedi Abaev.

Bwdan bölek Abaev mırza atalmış oqiğağa baylanıstı äleumettik jelilerde «Eñbek jäne halıqtı äleumettik qorğau ministri Madina Äbilqasımovanıñ otstavkağa ketuin» talap etken halıq narazılığına qatıstı pikir bildirdi.

«Meniñ oyımşa, bes balanıñ ölimine Äbilqasımovanı kinälau ädiletsiz. Iä, eşkim jauapkerşilikten qwtılmauı kerek. Tüptep kelgende biz - memlekettik aparat elde bolıp jatqan oqiğalarğa jauaptımız. Biraq, bwl qayğılı oqiğa ärtürli faktorlardıñ saldarınan bolğanın wmıtpauımız qajet. Barlığı Eñbek jäne halıqtı ädeumettik qorğau ministrligine baylanıstı emes. Madina Erasılqızı äyel retinde, üş balanıñ anası retinde bwl tragediyanı qayğıra qabıl aldı. Men kostruktivti sın qalıp, aytaqtau, aydap salu bolmaydı dep ümittenemin. Onıñ üstine men Äbilqasımovanıñ özine tapsırılğan jwmısqa atüsti qaramaytın öz isiniñ şeberi ekendigin bilemin» - dep mälimdedi Aqparat jäne kommunikaciya ministri.

Esteriñizge salayıq, aqpan ayınıñ 3-inen 4-ine qarağan tüni Astana qalasınıñ Köktal-1 ıqşam audanında jeke twrğın üy örtenip, saldarınan bes büldirşin köz jwmğan. Bwl oqiğa qoğamda qızu talqılanıp, äleumettik jelilerde azamattıq belsendiler men jurnalister Eñbek jäne halıqtı äleumettik qorğau ministri Madina Äbilqasımovanıñ otstavkağa ketuin talap etken.

"The Qazaq Times"