Katolik şirkeuinde jarılıs boldı. Foto: FNTV.

Filippinniñ oñtüstiginde katoliktik şirkeude qatarınan eki ret jarılıs bolıp, 27 adam qaza boldı jäne 77 adam jaraqat aldı. Filippin ükimeti jasağan mälimdemede jarılıs jasağandardı izdestirip jatqanın aytqan jäne «İske qatıstı eşbir adam qwtılıp ketpeydi, bäri de tiisti jazasın aladı», – delingen.

Jergilikti aqparat qwraldarınıñ habarına qarağanda, bombalı şabuıl Sulu provinciyasına ornalasqan Helu qalasındağı katoliktik şirkeuge bağıttalğan.

Şirkeu işinde bolğan alğaşqı jarılıstan keyin, oqiğa ornına köptegen ükimet qızmetkerleri men qauipsizdik küşteri jetedi, osı kezde şirkeudiñ avtotwrağında ekinşi ret jarılıs boladı.

Mälimetterde qaza bolğandar arasında ükimettik jäne qauipsizdik küşteriniñ ökilderi de bar ekeni aytılğan.

Qazirge deyin birdey bir wyım atalğan şabuıldı öz moynına almadı. Degenmen, Sulu aymağında islamdıq qarulı top «Abu Sayyaftıñ» jetekşileri jasırınğan öñir. Kezekti şabuılğa köptegen taraptar atalğan terrorlıq wyımdı ayıptauda.

Ayta keteyik, şabuıldan birneşe kün bwrın Sulu provinciyasınıñ avtonomiya aluı turalı öñirde referendum ötken bolatın. Alayda, dauıs beru nätijesi boyınşa Sulu provinciyasınıñ avtonomiya ala almadı. Filippin halqınıñ basım köbi katolik senimin wstanadı, atalğan Helu qalası mwsılmandar köbirek qonıstanğan öñir bolıp sanaladı.

“The Qazaq Times”