Qazaqstan Respublikasınıñ memlekettik tili – qazaq tili. Bwl Qazaqstan Respublikasınıñ Ata zañı - Konstituciyamen belgilengen ana tilimizdiñ märtebesi. Qazaq eli öziniñ ana tilin eñ biik därejede körgisi keletini ayqın. Osı rette Qazaqstan Respublikasınıñ aumağında memlekettik tildiñ märtebesin layıqtı deñgeyge köteru, memlekettik til sayasatın nasihattau jäne äskeri qızmetşiler arasında tüsindiru jwmıstarın jürgizu qajettiligi tuındaydı.

Osığan oray 2017 jıldıñ 21 aqpan küni  Wlttıq wlannıñ «Oñtüstik» öñirlik qolbasşılığına qarastı 5547 äskeri böliminde oficerler men kelisimşart boyınşa äskeri qızmetşilerge memlekettik tildi deñgeylik oqıtudıñ basım bağıttarın tüsindiru maqsatında «21 aqpan – Halıqaralıq Ana tili küni» qarsañında Qızılorda oblıstıq İşki sayasat basqarması Qızılorda oblısınıñ tilderdi oqıtu ortalığınıñ oqıtuşısı Ä.Bahıtovanıñ, Ä. Ahmetovanıñ qatısuımen «Ana tilim - aybınım» taqırıbında aşıq sabaq ötkizildi.

Aşıq sabaq eki topqa bölingen äskeri qızmetşilerdiñ qatısuımen sayıs türinde ötkizildi. Sayıs barısında toptarğa bölingen äskeri qızmetşiler qazaq tiliniñ grammatikasın bilu boyınşa jarısqa tüsti. Sonday-aq aşıq sabaq barısında tıñdalım böligi boyınşa audiomätinge säykes test tapsırmaları orındaldı.

Sayıs soñında toptarğa «Qwnanbay» attı qısqaşa fil'mi körsetilip, sayıskerlerge ondağı beynelengen qazaq eliniñ salt-dästürleri men ädet-ğwrıptarı turalı  qısqaşa şığarmalar jazu mindetteldi.

Aşıq  sabaqtı  ötkizuge 5547 äskeri böliminiñ memlekettik til sınıbı  arnayı körnekiliktermen jabdıqtalıp, elektrondı ekran arqılı äskeri qızmetşilerge slaydtar körsetildi.

«Aşıq  sabaqtan äskeri qızmetşiler, yağni sayıskerler öte jaqsı äser aldı. Sabaqtıñ qızıqtı ötkeni sonşa, tipti sayıskerler oquşılar sekildi tapsırmalardı bwljıtpay orındap, qazaq tilin biik deñgeyde biletindikterin däleldep jattı. Men bwğan dän riza boldım! Bwnday is-şaralar aldağı uaqıtta äli de jalğasın tabatın boladı. Memlekettik til – bwl eldigimizdiñ aybarı. Til bar jerde ğana el, wlt, memleket boladı. Elbasımız N. Nazarbaevtıñ da ünemi memlekettik tilge zor köñil bölip jürgeni osınıñ ayğağı!» - dedi aşıq sabaqtı wyımdastıruşı, osı bölimniñ memlekettik tildi engizu jönindegi mamanı  qatardağı Räziya Mwhamedjanova.

Qızıqtı da äserli ötken aşıq sabaq qorıtındısı boyınşa ozıq şıqqan  jeñimpazdar gramotalarmen jäne bağalı sıylıqtarmen marapattaldı. Bwl turalı «Oñtüstik» öñirlik qolbasşılığınıñ qoğammen baylanıs jönindegi oficeri Aydos Bayşağırov habarladı.

“The Qazaq Times”