Soltüstik Koreya generalı AQŞ-qa bardı.

"Yonhap" aqparat agenttiginiñ mälimetinşe, 18 qañtar küni AQŞ pen Soltüstik Koreya arasındağa kelissözderdi wyımdastıruşı general Kim En Çhol' Amerikağa resmi issaparmen barğan. Sapar barısında Çhol' AQŞ prezidenti Donal'd Tramppen kezdesip, oğan Soltüstik Koreya basşısı Kim Joñ Unnıñ hatın tabıstaydı dep josparlanuda.

Bwdan bölek AQŞ-qa Oñtüstik Koreya Wlttıq barlau qızmetiniñ direktorı So Huan da barğan. Ol AQŞ Ortalıq barlau basqarmasınıñ basşısı Djina Haspelmen kezdesip, Korey tübegin denuklearizaciyalau (yadrolıq qarusızdanuğa) baylanıstı kelissözder jürgizgen.

Esteriñizge salayıq, Donal'd Tramp pen Kim Joñ Un alğaşqı kezdesui 2018 jıldıñ 12 mausım küni Singapurde ötken. Kelissözder barısında qos tarap birlesken qwjatqa qol qoyğan. Qwjat boyınşa, Soltüstik Koreya denuklearizaciyalau jauapkerşiligin öz moyınına aladı. Al AQŞ Solüstik Koreya qauipsizdigin qamtamasız etuge kepil boladı.

"The Qazaq Times"