سولتۇستىك كورەيا گەنەرالى اقش-قا باردى.

"Yonhap" اقپارات اگەنتتىگىنىڭ مالىمەتىنشە، 18 قاڭتار كۇنى اقش پەن سولتۇستىك كورەيا اراسىنداعا كەلىسسوزدەردى ۇيىمداستىرۋشى گەنەرال كيم ەن چحول امەريكاعا رەسمي ىسساپارمەن بارعان. ساپار بارىسىندا چحول اقش پرەزيدەنتى دونالد ترامپپەن كەزدەسىپ، وعان سولتۇستىك كورەيا باسشىسى كيم جوڭ ۋننىڭ حاتىن تابىستايدى دەپ جوسپارلانۋدا.

بۇدان بولەك اقش-قا وڭتۇستىك كورەيا ۇلتتىق بارلاۋ قىزمەتىنىڭ ديرەكتورى سو حۋان دا بارعان. ول اقش ورتالىق بارلاۋ باسقارماسىنىڭ باسشىسى دجينا حاسپەلمەن كەزدەسىپ، كورەي تۇبەگىن دەنۋكلەاريزاتسيالاۋ (يادرولىق قارۋسىزدانۋعا) بايلانىستى كەلىسسوزدەر جۇرگىزگەن.

ەستەرىڭىزگە سالايىق، دونالد ترامپ پەن كيم جوڭ ۋن العاشقى كەزدەسۋى 2018 جىلدىڭ 12 ماۋسىم كۇنى سينگاپۋردە وتكەن. كەلىسسوزدەر بارىسىندا قوس تاراپ بىرلەسكەن قۇجاتقا قول قويعان. قۇجات بويىنشا، سولتۇستىك كورەيا دەنۋكلەاريزاتسيالاۋ جاۋاپكەرشىلىگىن ءوز مويىنىنا الادى. ال اقش سولۇستىك كورەيا قاۋىپسىزدىگىن قامتاماسىز ەتۋگە كەپىل بولادى.

"The Qazaq Times"