Foto: twitter.com/knbgovkz

Almatıda terrorlıq şabuıl wyımdastırmaq bolğan qılmıstıq top wstaldı.

WQK baspasöz qızmetiniñ mälimetinşe, 10 qañtar küni Almatı qalasında Qazaqstan aumağında terakt jasamaq bolğan Ortalıq Aziya elderinen şıqqan birneşe azamat wstalğan.

«Wlttıq qauipsizdik qızmeti arnayı operaciya barısında Qazaqstan aumağında terrorlıq şabuıl wyımdastırmaq bolğan Ortalıq Aziya elderiniñ azamattarı wstaldı. Tekseru kezinde olardıñ twrğılıqtı meken-jaylarınan qaru-jaraq jäne jarılğış zat jasauğa arnalğan qwraldar tärkilendi» - delingen WQK taratqan aqparatta.

Qılmıstıq top müşeleri «Islam memleketi» terrorlıq wyımınıñ nwsqauı boyınşa, Almatı qalasındağı halıq köp jinalatın orındarda lañkestik şabuıl jasaudı josparlağan.

"The Qazaq Times"