Foto: NSN

Reseyde jwmıs istep jürgen 345 mıñ täjik migrantınıñ tağdırı belgisiz. Osılay dep 25 jeltoqsanda täjik parlamentiniñ joğarğı palatasınıñ spikeri Mahmadsaid Ubaydulloev mälimdedi.

Onıñ sözinşe, olardıñ bäri Reseyde zañsız jürgen boluı mümkin. "Olardıñ köbi ne migraciyalıq raqımşılıqqa ilingen emes, ne deportaciyalanğan emes. Arasında Resey azamattığın alıp, biraq täjik biligine habar bermegenderi de boluı mümkin", - dedi spiker.

Mahmadsaid Ubaydulloev resmi mälimetterge süyenip, Täjikstannıñ 226 mıñ azamatına Reseyge kiruge tıyım salınğanın ayttı. "Qazir memlekettik dumada azamattarımızğa migraciyalıq raqımşılıq beru mäselesi qaralıp jatır", - dedi ol.

​Migraciya boyınşa sarapşı Rahmon Ul'masov «täjikstandıqtardıñ köbi patent qımbattap ketken soñ, zañsız jwmıs isteuge mäjbür» deydi. Jaña jıldan bastap Reseyde patent bağası tağı da qımbattap, 5 mıñ rubl' bolmaq.

Resmi mälimet boyınşa, Reseyde Täjikstanıñ bir mln azamatı jwmıs istep jür. 2017 jıldıñ qorıtındısı boyınşa Reseydiñ Ortalıq bankti Täjikstanğa audarılğan qarjı kölemi 2 mlrd 536 mln dollar bolğanın mälimdegen. Bwl 2016 jılmen salıstırğanda 600 mln dollarğa köp.

"The Qazaq Times"