Mänerlep sırğanauşı Denis Ten tapsırıspen öltirilgen.

Almatı qalasınıñ mamandandırılğan sotında Oksana Tenniñ advokatı Nwrlan Östemirov Denis Tenniñ ölimine qatıstı jürgizilip jatqan qılmıstıq is jöninde mälimdeme jasadı.

«İspen tanısu barısında 14 birdey qarama-qayşılıqtı anıqtadıq jäne bwl adam öltirudiñ tapsırıs boyınşa jüzege asqanına meñzeydi. Biz qılmıstıq isti prokuratura qarauına jiberu kerek dep esepteymiz. Bwl jerde mäsele – dälelderge nazar audarılmay jatqanında» - dedi Östemirov.

Denis Tenniñ ölimine qatıstı küdiktiler retinde Arman Qwdaybergenov, Nwralı Qiyasov jäne Janar Tolıbaeva wstalğan. Olardıñ üstinen QR Qılmıstıq Kodeksiniñ 188, 192, 99, 434, baptarı boyınşa qılmıstıq is qozğalğan. Qılmıstıq is qazirdiñ özinde 38 tomnan twradı. Advokattıñ bügingi mälimdemesine qarağanda, bolaşaqta olardıñ sanı ösui mümkin.

Esteriñizge salayıq, 19 şilde küni mänerlep sırğanauşı Denis Tenge tal tüste Almatı qalasınıñ ortalığında kölik tonauşı wrılar şabuıl jasap, pışaq salğan bolatın. Saldarınan Olimpiada oyındarınıñ jüldegeri, Qazaqstannıñ birneşe dürkin çempionı köz jwmğan. Osı oqiğadan keyin azamattıq belsendiler men jurnalister qauımı Qalmwhanbet Qasımov bastağan İİM sınğa alıp, vedomstva basşısınıñ otstavkağa ketuin talap etken. Biraq prezident Nazarbaev Qasımovqa jetetin Qazaqstanda policiya qızmetkeri joq ekendigin aytıp, İİM reformalaudı Qalmwhanbet mırzağa senip tapsırğan.

"The Qazaq Times"