مانەرلەپ سىرعاناۋشى دەنيس تەن تاپسىرىسپەن ولتىرىلگەن.

الماتى قالاسىنىڭ مامانداندىرىلعان سوتىندا وكسانا تەننىڭ ادۆوكاتى نۇرلان وستەمىروۆ دەنيس تەننىڭ ولىمىنە قاتىستى جۇرگىزىلىپ جاتقان قىلمىستىق ءىس جونىندە مالىمدەمە جاسادى.

«ىسپەن تانىسۋ بارىسىندا 14 بىردەي قاراما-قايشىلىقتى انىقتادىق جانە بۇل ادام ءولتىرۋدىڭ تاپسىرىس بويىنشا جۇزەگە اسقانىنا مەڭزەيدى. ءبىز قىلمىستىق ءىستى پروكۋراتۋرا قاراۋىنا جىبەرۋ كەرەك دەپ ەسەپتەيمىز. بۇل جەردە ماسەلە – دالەلدەرگە نازار اۋدارىلماي جاتقانىندا» - دەدى وستەمىروۆ.

دەنيس تەننىڭ ولىمىنە قاتىستى كۇدىكتىلەر رەتىندە ارمان قۇدايبەرگەنوۆ، نۇرالى قياسوۆ جانە جانار تولىباەۆا ۇستالعان. ولاردىڭ ۇستىنەن قر قىلمىستىق كودەكسىنىڭ 188, 192, 99, 434, باپتارى بويىنشا قىلمىستىق ءىس قوزعالعان. قىلمىستىق ءىس قازىردىڭ وزىندە 38 تومنان تۇرادى. ادۆوكاتتىڭ بۇگىنگى مالىمدەمەسىنە قاراعاندا، بولاشاقتا ولاردىڭ سانى ءوسۋى مۇمكىن.

ەستەرىڭىزگە سالايىق، 19 شىلدە كۇنى مانەرلەپ سىرعاناۋشى دەنيس تەنگە تال تۇستە الماتى قالاسىنىڭ ورتالىعىندا كولىك توناۋشى ۇرىلار شابۋىل جاساپ، پىشاق سالعان بولاتىن. سالدارىنان وليمپيادا ويىندارىنىڭ جۇلدەگەرى، قازاقستاننىڭ بىرنەشە دۇركىن چەمپيونى كوز جۇمعان. وسى وقيعادان كەيىن ازاماتتىق بەلسەندىلەر مەن جۋرناليستەر قاۋىمى قالمۇحانبەت قاسىموۆ باستاعان ءىىم سىنعا الىپ، ۆەدومستۆا باسشىسىنىڭ وتستاۆكاعا كەتۋىن تالاپ ەتكەن. بىراق پرەزيدەنت نازارباەۆ قاسىموۆقا جەتەتىن قازاقستاندا پوليتسيا قىزمەتكەرى جوق ەكەندىگىن ايتىپ، ءىىم رەفورمالاۋدى قالمۇحانبەت مىرزاعا سەنىپ تاپسىرعان.

"The Qazaq Times"