Foto: EURASIANEWS

Jaqında Resey wlttıq tölem keñesi Euraziyalıq ekonomikalıq odaq ayasında ortaq elektrondı valyuta jüyesin engizudi wsındı. Wlttıq tölem keñesiniñ resmi emes, auızşa wısınısın Resey Qarjı ministrligi birden qoldadı. Biraq Resey resmi organdarı özderi wsınğan wsınıstarın özderi qoldağanımen EAEO-ğa müşe özge memleketter qoldamadı. Birinşi kezekte atalmış bastamağa baylanıstı Qazaqstan Wlttıq ekonomika ministri Timur Süleymenov pikir bildirdi.

«Biz bwnı qoldamaymız. Bwl meniñ jeke adam retindegi jäne sayasi twlğa retindegi wstanımım. Meniñ oyımşa, Wlttıq valyuta bwl änwran, eltañba, memlekettik bayraq siyaqtı täuelsizdiktiñ bir belgisi. Sol sebepti onı qorğau, saqtau jäne damıtu bizdiñ mindetimiz. Qanday da bir kvazi-proksi valyutalardıñ enuine jol berilmeydi. Bwl bastama Reseydiñ resmi organdarınıñ wsınısı emes» - dep mälimdedi Süleymenov.

Biraq «Euraziyalıq ekonomikalıq odaq ayasında ortaq elektrondı valyuta engizu Reseydiñ resmi bastaması bolmasa da», bügin biz osığan deyin «ortaq valyuta» jöninde kimderdiñ qanday mälimdeme jasağanına qısqaşa toqtaludı jön kördik.

2018 jıl. EAEO integraciya jäne makroekonomika ministri Tat'yana Valova:

 «Biz özara sauda-sattıqta wlttıq valyutalarımızdıñ ülesin arttırudı aytıp otırmız. Bwl öte mañızdı. Sebebi mäsele dollarsızdanu jöninde bolıp otır. 2025 jılğa deyin ortaq valyuta narığın qalıptastıru qajet».

2015 jıl. Belarus' prezidenti Aleksandr Lukaşenko:

«Sizder aytıp jürgen ortaq valyuta meniñ prezidenttik kezeñimde boladı dep oylamaymın.Ortaq valyuta kün tärtibinde twrğan mäsele emes. Oğan kelmes bwrın 2025 jılğa qaldırılğan özekti mäselelerdi şeşu qajet».

2016 jıl. Resey prezidenti Vladimir Putin:

«EAEO aumağında ortaq valyuta engizile me?Bwl ülken swraq. Dese de, bolaşaqta wyımğa müşe elderdiñ ekonomikaları teñesken uaqıtta boluı äbden mümkin. Bizge Euroodaqtıñ qateligin qaytalauğa bolmaydı.Olar ekonomikalardıñ är türliligine qaramastan ortaq valyuta engizdi. Saldarınan Greciya ülken qiındıqtarğa tap boldı. Sol sebepti biz barlığın egjey-tegjeyli zerttep, kezeñ-kezeñimen jüzege asıruımız qajet. Bwl erikti türde jüretin process. Atalmış mäselede bizdiñ közqarastarımız bir jerden şığuı kerek».

2015 jıl.QR Wlttıq ekonomika vice-ministri Timur Jaqsılıqov:

«Qazaqstan EAEO ayasında ortaq wlttıq valyuta engizuge baylanıstı naqtı jäne däyekti wstanımda. Bwl swraqtar qaralmaydı. Ortaq valyuta engizu jöninde wsınısı EAEO kelisiminde joq. Sol sebepti atalmış mäselege qatıstı kelissözder jürgizilmeydi».

"The Qazaq Times"