Qazaqstan basşısı Nwrswltan Nazarbaev pen AQŞ prezidenti Donal'd Tramp. Foto: RT

AQŞ prezidenti Donal'd Tramp qazaqstandıqtardı Täuelsizdik künimen qwttıqtadı.

AQŞ memlekettik hatşısınıñ Oñtüstik jäne Ortalıq Aziya boyınşa kömekşisi Elis Uells Astana qalasında ötken brifingte Aq üy basşısı Donal'd Tramptıñ Qazaqstan halqın Täuelsizdik künimen qwttıqtağan ündeuin jetkizdi.

«Men sizderge Tramp mırzanıñ Qazaqstan halqın alda kele jatqan Täuelsizdik küni merekesimen qwttıqtağan sälemdemesin jetkizgim keledi. Biz sizderdiñ elderiñizge jan-jaqtı kömek körsetuge dayınbız. Ekijaqtıq bas qosuda biz Qazaqstannıñ BWW Qauipsizdik Keñesine müşeligin jäne sizderdiñ N'yu-Yorkte jürgizip otırğan sayasattarıñız jöninde söylestik. Biz aldağı uaqıtta ekijaqtıq qarım-qatınasımızdı odan arı damıtuğa müddeli ekendigimizdi basa aytqımız keledi» - dep mälimdedi Uells.

Esteriñizge salayıq, jetoqsan ayınıñ 8-i küni Astana qalasına Elis Uells bastağan AQŞ delegaciyası kelgen. Olar sol uaqıttan beri Qazaqstan tarapımen  eki jaqtıq basqosular ötkizip, strategiyalıq äriptestik, aymaqtıq jäne älemdik qauipsizdik, terrorizmmen küres, sauda-ekonomikalıq baylanıs, adam qwqığı,  "S5+1" formatı ayasında jwmıs isteu siyaqtı mäseleler talqılauda. Ekijaqtıq basqosular 12 jeltoqsanğa deyin jalğasadı.

"The Qazaq Times"