دونالد ترامپ قازاقستاندىقتاردى تاۋەلسىزدىك كۇنىمەن قۇتتىقتادى

اقش پرەزيدەنتى دونالد ترامپ قازاقستاندىقتاردى تاۋەلسىزدىك كۇنىمەن قۇتتىقتادى.

اقش مەملەكەتتىك حاتشىسىنىڭ وڭتۇستىك جانە ورتالىق ازيا بويىنشا كومەكشىسى ەليس ۋەللس استانا قالاسىندا وتكەن بريفينگتە اق ءۇي باسشىسى دونالد ترامپتىڭ قازاقستان حالقىن تاۋەلسىزدىك كۇنىمەن قۇتتىقتاعان ۇندەۋىن جەتكىزدى.

«مەن سىزدەرگە ترامپ مىرزانىڭ قازاقستان حالقىن الدا كەلە جاتقان تاۋەلسىزدىك كۇنى مەرەكەسىمەن قۇتتىقتاعان سالەمدەمەسىن جەتكىزگىم كەلەدى. ءبىز سىزدەردىڭ ەلدەرىڭىزگە جان-جاقتى كومەك كورسەتۋگە دايىنبىز. ەكىجاقتىق باس قوسۋدا ءبىز قازاقستاننىڭ بۇۇ قاۋىپسىزدىك كەڭەسىنە مۇشەلىگىن جانە سىزدەردىڭ نيۋ-يوركتە جۇرگىزىپ وتىرعان ساياساتتارىڭىز جونىندە سويلەستىك. ءبىز الداعى ۋاقىتتا ەكىجاقتىق قارىم-قاتىناسىمىزدى ودان ارى دامىتۋعا مۇددەلى ەكەندىگىمىزدى باسا ايتقىمىز كەلەدى» - دەپ مالىمدەدى ۋەللس.

ەستەرىڭىزگە سالايىق، جەتوقسان ايىنىڭ 8-ءى كۇنى استانا قالاسىنا ەليس ۋەللس باستاعان اقش دەلەگاتسياسى كەلگەن. ولار سول ۋاقىتتان بەرى قازاقستان تاراپىمەن  ەكى جاقتىق باسقوسۋلار وتكىزىپ، ستراتەگيالىق ارىپتەستىك، ايماقتىق جانە الەمدىك قاۋىپسىزدىك، تەرروريزممەن كۇرەس، ساۋدا-ەكونوميكالىق بايلانىس، ادام قۇقىعى،  "س5+1" فورماتى اياسىندا جۇمىس ىستەۋ سياقتى ماسەلەلەر تالقىلاۋدا. ەكىجاقتىق باسقوسۋلار 12 جەلتوقسانعا دەيىن جالعاسادى.

"The Qazaq Times"