Qıtaylıq jigitterge twrmısqa şıqqan şeteldik qızdar. Foto: youtube.

Qıtay turalı eñ jaña zertteu nätijesi tañqalarlıq mälimetterdi jayıp saldı. Zertteu nätijesi körsetkendey, soñğı 5 jıl işinde 7500-den astam m'yanmalıq qız Qıtay azamattarına twrmısqa şığuğa mäjbür bolğan jäne olar qıtaylıq azamattarğa bala tauıp beruge mindetti bolğan. Bwnday zertteu qorıtındısın  AQŞ-tıñ Djon Hopkins universitetiniñ Blumberg densaulıq saqtau institutı jäne Tailandtıñ Kaçin äyelder qauımdastığı birlese otırıp jasağan.

Atalğan zertteu qorıtındısı keşe Bangkokte jariyalandı. Nazar audararlıq bir jayt, Qıtay men M'yanma azamattarı arasındağı 7500-den astam nekeniñ 65 payızı «jeñgetaylar» men deldaldardıñ aralasuımen jüzege asqan. Bwl mälimetter köptegen m'yanmalıq äyelderdiñ adam saudası men mäjbürli nekeniñ qwrbanı bolıp otırğanın körsetken.

Atalğan eki mekeme bwl zertteudi 2017 jıldan bastap, Qıtaydıñ YUnnan (YUn'nan') provinciyası men M'yanmanıñ soltüstik öñirinde jürgizgen. Zertteuşiler 18 ben 40 jas aralığındağı 400 äyelmen kezdesip swhbattasqan. Äri, bwl zertteu öñirdegi transşekaralıq qalıñdıq saudasına bağıttalğan alğaşqı zertteu jwmısı.

Qıtay biligi 40 jıl boyı jüyeli türde jürgizip kelgen «Josparlı tuu» dep atalatın sayasatı eldegi erlerdiñ sanın äyelderden 34 mln adamğa köbeytti. Bwl M'yanma, Tayland, Kambodja jäne Soltüstik Koreya sındı körşi elderdegi transşekaralıq qalıñdıq saudasın örşite tüsti.

Jaña zertteu nätijesi körsetkendey, qıtaylıq küyeulerinen balalı bolğan 5 mıñnan astam m'yanmalıq äyelder qazir äri-säri küyde. Olar qıtaylıq küyeulerimen bayandı ömir süre almağan jäne otbasılıq jıludı sezinbegenin aytadı. Alayda, balasına bola nekelerin bwza almaydı.

Djons Hopkins universitetiniñ docenti Kourtland Robinsonnıñ aytuınşa, mäjbürli neke qwrbandarı adam qwqığı taptalğan, äri fiziologiyalıq jäne psihikalıq zardap şeguşiler qatarına jatadı. Tipti, bwl äyelderdiñ keybireuleri «bala öndiruşi qwral retinde» paydalanılıp, keyin tastandı bolğan.

Zertteu qorıtındısın äzirlegender Beyjiñ biligin M'yanmadağı äskeri zorlıq-zombılıqtan bas sauğalap Qıtayğa qaşqan m'yanmalıqtarğa gumanitarlıq kömek körsetuge, mäjbürli nekeden qwtqaru üşin qwqıq qorğau şaraların küşeytuge, adam saudasına tıyım saluğa şaqırdı.

“The Qazaq Times”