Almatı qalasınıñ äkimi Bauırjan Baybek.

Almatı qalasınıñ äkimi Bauırjan Baybek halıq arasında kölik twrağına qatıstı tarağan dauğa jauap berdi.

Bauırjan Baybektiñ sözinşe, Almatı qalasında jüzege asırılıp jatqan reformalarğa qasaqana kedergiler keltirilude.

«Kölik twraqtarı meniñ otbasımnıñ menşiginde degen qañqu söz taradı. Meniñ oyımşa, bwnı zañ ayasında jwmıs istegisi kelmeytinder jasap otır. Olar osı arqılı äkimşilikke qısım körsetip, onsızda ülken qiındıqpen jüzege asıp jatqan transporttıq reformalarğa kedergi jasamaq. Bwl oñay şarua emes, qalanıñ ekologiyasına baylanıstı dünie. Sebebi auanıñ 70 payızın avtokölikter lastauda. Men osı şahardıñ äkimi retinde josparlanğan on bastamanıñ jeteuin däl osı transport salasına arnaudamın... Mısalı, biz dualdar men düñgirşekterdi süre bastasaq halıq arasında «äkim metalldı zañsız satıp jatır», «äkim qaladağı düñgirşekterdiñ ornına öz düñgirşekterin qoyuda» nemese «äkimniñ bordyur şığaratın zauıtı bar eken» degen qañqu sözder taray bastaydı. Osığan baylanıstı biz kompaniyalardan qwrılıs zattarın qaydan alğanın aşıq körsetudi talap etudemiz...» - dep mälimdedi Bauırjan Baybek.

Esteriñizge salayıq, osıdan biraz uaqıt bwrın BAQ betterinde «Almatı qalasındağı jaña tölem jüyesine ötken kölik twraqtarı Bauırjan Baybektiñ otbasına tiesili eken» - degen aqparat tarağan. Osıdan keyin şahar äkimdigi atalmış aqparattı joqqa şığarıp mälimdeme jasağan.

"The Qazaq Times"