الماتى قالاسىنىڭ اكىمى باۋىرجان بايبەك.

الماتى قالاسىنىڭ اكىمى باۋىرجان بايبەك حالىق اراسىندا كولىك تۇراعىنا قاتىستى تاراعان داۋعا جاۋاپ بەردى.

باۋىرجان بايبەكتىڭ سوزىنشە، الماتى قالاسىندا جۇزەگە اسىرىلىپ جاتقان رەفورمالارعا قاساقانا كەدەرگىلەر كەلتىرىلۋدە.

«كولىك تۇراقتارى مەنىڭ وتباسىمنىڭ مەنشىگىندە دەگەن قاڭقۋ ءسوز تارادى. مەنىڭ ويىمشا، بۇنى زاڭ اياسىندا جۇمىس ىستەگىسى كەلمەيتىندەر جاساپ وتىر. ولار وسى ارقىلى اكىمشىلىككە قىسىم كورسەتىپ، ونسىزدا ۇلكەن قيىندىقپەن جۇزەگە اسىپ جاتقان ترانسپورتتىق رەفورمالارعا كەدەرگى جاساماق. بۇل وڭاي شارۋا ەمەس، قالانىڭ ەكولوگياسىنا بايلانىستى دۇنيە. سەبەبى اۋانىڭ 70 پايىزىن اۆتوكولىكتەر لاستاۋدا. مەن وسى شاھاردىڭ اكىمى رەتىندە جوسپارلانعان ون باستامانىڭ جەتەۋىن ءدال وسى ترانسپورت سالاسىنا ارناۋدامىن... مىسالى، ءبىز دۋالدار مەن دۇڭگىرشەكتەردى سۇرە باستاساق حالىق اراسىندا «اكىم مەتاللدى زاڭسىز ساتىپ جاتىر»، «اكىم قالاداعى دۇڭگىرشەكتەردىڭ ورنىنا ءوز دۇڭگىرشەكتەرىن قويۋدا» نەمەسە «اكىمنىڭ بورديۋر شىعاراتىن زاۋىتى بار ەكەن» دەگەن قاڭقۋ سوزدەر تاراي باستايدى. وسىعان بايلانىستى ءبىز كومپانيالاردان قۇرىلىس زاتتارىن قايدان العانىن اشىق كورسەتۋدى تالاپ ەتۋدەمىز...» - دەپ مالىمدەدى باۋىرجان بايبەك.

ەستەرىڭىزگە سالايىق، وسىدان ءبىراز ۋاقىت بۇرىن باق بەتتەرىندە «الماتى قالاسىنداعى جاڭا تولەم جۇيەسىنە وتكەن كولىك تۇراقتارى باۋىرجان بايبەكتىڭ وتباسىنا تيەسىلى ەكەن» - دەگەن اقپارات تاراعان. وسىدان كەيىن شاھار اكىمدىگى اتالمىش اقپاراتتى جوققا شىعارىپ مالىمدەمە جاساعان.

"The Qazaq Times"