Qırğızstandıq belsendiler Qıtayda qısım körip jatqan etnikalıq qırğız jäne qazaq wlttarına araşa swrap Birikken wlttar wyımına şağımdandı.

Bişkek qalasında ornalasqan BWW üyiniñ aldına birneşe qırğızstandıq belsendi jinalıp, Qıtayda qısım körip jatqan etnikalıq qırğız, qazaq jäne basqa da az wlttardıñ mäselesine nazar audarudı swrap şeru ötkizdi.

Akciyanı wyımdastıruşılar BWW men halıqaralıq qauımdastıq ökilderin Qıtayda bolıp jatqan jağdayğa nazar audaruğa şaqırıp, BWW bas hatşısı Antoniu Guterreşten atalmış mäseleni Qauipsizdik komitetiniñ jiınında qaraudı swradı.

Jergilikti BAQ ökilderiniñ habarlauınşa, piketten keyin BWW-nıñ Qırğızstandağı ökildigi bes belsendini qabıldap, arız, tilekterin tıñdaytındıqtarın mälimdegen.

Qıtaydağı az wlttardıñ jergilikti bilik tarapınan qısım körip jatqandığı jöninde osığan deyin halıqaralıq BAQ betterinde san märte aytılğan. Resmi Beyjiñ özine tağılğan ayptardıñ barlığın joqqa şığarıp, sayasi üyrenu ortalıqtarındağı adamdardıñ barlığı öz erkimen barğandığın alğa taruda. Boljam boyınşa, qazirgi tañda Qıtaydağı sayasi üyrenu lager'lerinde bir millionğa juıq adam bar.

"The Qazaq Times"