foto: taganrognews.ru

Türkimenstan parlamenti alkogol'di işimdikterge qarsı profilaktika jürgizu turalı zañ qabıldamaq. Bwl turalı infoAbad habarlap otır.

Qazirgi tañda atalğan zañ jobasınıñ naqtı qay uaqıttan bastap küşine enetindigi belgisiz. Alayda, deputattardıñ biriñğay qoldağandığı mälim boldı. Sonımen qatar, jiında özge de äleumettik jobalar talqılanğan.

Şilde ayınıñ basında Türkimenstan prezidenti Qwrbanqwl Berdimwhamedov 2018-2024 jıldar aralığında adam ağzasına ziyandı alkogol'di işimdiktermen küresu turalı wlttıq jobanı bastağan bolatın. Täuelsiz baqılauşılar atalğan jobanıñ işimdikten  ulanğandardıñ kürt artuına baylanıstı dep mälimdegen. Sonımen qatar, şilde ayında bwdan bölek te birneşe äleumettik taqırıptardı talqılap, belsendilikti arttıru turalı bağdarlamalar jwmıs istey bastadı.

Şıqqan zañdı tez arada orındauğa kirisken mamandar işimdikke qarsı jappay reydter jürgizip, sauda orındarınan adam ağzasına ziyan susındardı tärkilep jük tiegiş köliktermen jinap alğan. Alayda, sauda orındarınıñ ieleri mwnday jüyege özderiniñ qarsı ekendikterin bildirgen bolatın.

Qazirgi tañda Türkimenstan elinde işimdikke qwmar naqtı qanşa adamnıñ bar ekendigi turalı statistika şıqqan joq. Täuelsiz sarapşılardıñ mälimetinşe, bwrın auıl-aymaq, şalğaydağı qalalardan ğana körinetin işimdikke qwmar qayırşılar, endi Aşhabat qoqıs orındarınan da töbe körsetude.  Bwl eldegi ekonomikalıq dağdarıstıñ tım örşip bara jatqandığınan habar berip otırğan sıñaylı.

“The Qazaq Times”