تۇركىمەنستان ەلى ىشىمدىككە قارسى زاڭ قابىلداماق

تۇركىمەنستان پارلامەنتى الكوگولدى ىشىمدىكتەرگە قارسى پروفيلاكتيكا جۇرگىزۋ تۋرالى زاڭ قابىلداماق. بۇل تۋرالى infoAbad حابارلاپ وتىر.

قازىرگى تاڭدا اتالعان زاڭ جوباسىنىڭ ناقتى قاي ۋاقىتتان باستاپ كۇشىنە ەنەتىندىگى بەلگىسىز. الايدا، دەپۋتاتتاردىڭ بىرىڭعاي قولداعاندىعى ءمالىم بولدى. سونىمەن قاتار، جيىندا وزگە دە الەۋمەتتىك جوبالار تالقىلانعان.

شىلدە ايىنىڭ باسىندا تۇركىمەنستان پرەزيدەنتى قۇربانقۇل بەردىمۇحامەدوۆ 2018-2024 جىلدار ارالىعىندا ادام اعزاسىنا زياندى الكوگولدى ىشىمدىكتەرمەن كۇرەسۋ تۋرالى ۇلتتىق جوبانى باستاعان بولاتىن. تاۋەلسىز باقىلاۋشىلار اتالعان جوبانىڭ ىشىمدىكتەن  ۋلانعانداردىڭ كۇرت ارتۋىنا بايلانىستى دەپ مالىمدەگەن. سونىمەن قاتار، شىلدە ايىندا بۇدان بولەك تە بىرنەشە الەۋمەتتىك تاقىرىپتاردى تالقىلاپ، بەلسەندىلىكتى ارتتىرۋ تۋرالى باعدارلامالار جۇمىس ىستەي باستادى.

شىققان زاڭدى تەز ارادا ورىنداۋعا كىرىسكەن ماماندار ىشىمدىككە قارسى جاپپاي رەيدتەر جۇرگىزىپ، ساۋدا ورىندارىنان ادام اعزاسىنا زيان سۋسىنداردى تاركىلەپ جۇك تيەگىش كولىكتەرمەن جيناپ العان. الايدا، ساۋدا ورىندارىنىڭ يەلەرى مۇنداي جۇيەگە وزدەرىنىڭ قارسى ەكەندىكتەرىن بىلدىرگەن بولاتىن.

قازىرگى تاڭدا تۇركىمەنستان ەلىندە ىشىمدىككە قۇمار ناقتى قانشا ادامنىڭ بار ەكەندىگى تۋرالى ستاتيستيكا شىققان جوق. تاۋەلسىز ساراپشىلاردىڭ مالىمەتىنشە، بۇرىن اۋىل-ايماق، شالعايداعى قالالاردان عانا كورىنەتىن ىشىمدىككە قۇمار قايىرشىلار، ەندى اشحابات قوقىس ورىندارىنان دا توبە كورسەتۋدە.  بۇل ەلدەگى ەكونوميكالىق داعدارىستىڭ تىم ءورشىپ بارا جاتقاندىعىنان حابار بەرىپ وتىرعان سىڭايلى.

“The Qazaq Times”