Foto: qazaqtimes

Bügin, 17 aqpanda «Mizam» köterme-bölşek sauda ortalığınıñ resmi aşılu saltanatı ötti. Şarağa Almatı qalasınıñ äkiminiñ orınbasarı Äukenov Erlan Mwratwlı, Almatı qalalıq Auıl şaruaşılığı jäne veterinariya basqarmasınıñ jetekşisi Kerimbekov Aydın Janwzaqwlı jäne  «Mizam» JŞS köterme-bölşek sauda ortalığınıñ basşısı Kerimbaev Dosmwhan Swltanbekwlı qatıstı.

«Mizam» – ekologiyalıq taza joba, auıl şaruaşılığı önimderin öndiruşilerden twtınuşığa tikeley jetkizetin jaña ülgidegi bazar. Resmi salıq töleuşiler men resmi jwmıs ornı.

Almatı qalası äkiminiñ orınbasarı Erlan Mwratwlı "Mizamnıñ" aşıluımen qwttıqtadı. Foto: "QazaqTimes"

Almatı qalasınıñ äkiminiñ orınbasarı Äukenov Erlan Mwratwlınıñ aşılu saltanatında aytqan sözi:

«Mizam» – qalamızdağı birinşi auıl-şaruaşılıq önimderiniñ köterme-bölşek sauda ortalığı. Statistikağa süyensek, qala twrğındarı jıl sayın orta eseppen 228 milliard teñgege azıq-tülik satıp aladı. Al «Mizam» barınşa ortadağı deldaldardı azaytuğa tırısadı. Osılayşa ärbir öndiruşiniñ eşbir deldalsız öz önimin satuına mümkindik beredi. Sonımen qatar, 2,5 mıñ şarşı km aumağın alıp jatqan bwl sauda ortalıqta 300-den asa adam öz önimin satadı, bwl aumaqqa kelesi jılı jazda tağı  8 mıñ şarşı km jer qosılmaq. Arzan bağamen sapalı önim beretin jaña «Mizam» bazarı tek halıq üşin jwmıs isteytin boladı ».

Foto: "QazaqTimes"

Azıq-tülik önimderin satudıñ mwnday ädisi Franciyanıñ älemge tanımal «Ranjis» narığınıñ täjiribesine süyene otırıp jüzege asırıladı. «Mizam» tauar öndiruşilermen tikeley jwmıs isteydi, osılayşa deldal wğımı tamırımen joyıldı.  Bwl ortalıq – azıq-tülik satılatın qaladağı eñ arzan bazar bolmaq. Ol qala jäne oblıs twrğındarına arnalğan.

"Mizam" JŞS basşısı Dosmwhan Kerimbekov. Foto: "QazaqTimes"

«Osınday ortalıq aşu oyımızda bwrınnan bar edi. Köterme-bölşek sauda ortalığın aşudıñ türli mümkindikterin izdestirip, qarastırıp jürdik. Europada, Aziyada, Mäskeede, t.b. körşi elderdegi 20 şaqtı bazarlardı aralap kördim. Jaña, tıñ format izdedik te, eñ jaqsı format ol halıq üşin jwmıs isteytin bazar ekendigin tüsindik. Sol üşin atauın «Mizam» qoydıq, mağınası – «ğajayıp, siqırlı». Kez kelgen tauardıñ özindik qwnı boladı. Olardı ortadağı alıp-satarlar bağasın eki esege qımbattatıp  satatının bäri biledi. Biz osınday olqılıqtıñ ornın toltırudı maqsat ettik. Sebebi, qazirgi tañda twtınuşı sapalı tauarlardı arzan bağamen satıp alğısı keledi. Sondıqtan bizdiñ eñ bastı erekşeligimiz – bağasınıñ tiimdiligi», – deydi «Mizam» JŞS köterme-bölşek sauda ortalığınıñ basşısı Dosmwhan Swltanbekwlı.

Foto: "QazaqTimes"

Oğan qosa, bwl tek twtınuşılarğa ğana emes, auıl şaruaşılıq  önimderin öndiretin fermerlerge jäne t.b. adamdarğa da öte qolaylı bazar. Ol turalı Domwhan mırza bılay deydi:  «Qazirdiñ özinde 300 adam jwmıs isteydi. Olardıñ deldal emes ekendikterine közimiz jetken soñ, kelisim jasap, qabıldap otırmız. Osında 70 adamdı jwmıspen qamtıp otırmız, al odan bölek 300 adam öz tauarların satıp, odan tüsken paydasın özderine alıp otır. YAğni biz olarğa orın wsınğanımızben, bastapqı 3 ay jalğa berilgen orınğa aqşa almaymız. Sebebi, adamdar tartılıp, ärkim öz twtınuşıların tapsa deymiz. Odan keyin orındarın  ay sayın 30 mıñ teñgege jaldap otıratın boladı».  

Foto: "QazaqTimes"

Bwl köterme-bölşek sauda ortalığındağı bağalar özge bazarlarmen salıstırğanda äldeqayda tömen. Mäselen, alma bağası 150-228tg (qalada 300-370 tg) aralığında bolsa, örik-meyiz salıstırmalı türde 500-600 teñgege arzan. Sonımen qatar, et önimderi – ekologiyalıq taza. Satılımdağı etter  turalı aytıp ötsek. Etterdi tünde veterinar qabıldap aladı da, birden mekemeniñ arnayı laborotoriyasındağı apparatta teskeristen ötkiziledi.  YAğni, halıq üşin ärbir tauardıñ sapası jaqsı, bağası tiimdi. Satıp aluşılarğa tek bağası emes,  keñ, ıñğaylı avtokölik twraqtarı da wnaytını anıq.

Almatı qalalıq Auıl şaruaşılığı jäne veterinariya basqarmasınıñ jetekşisi Aydın Janwzaqwlı Foto: "QazaqTimes"

Almatı qalalıq Auıl şaruaşılığı jäne veterinariya basqarmasınıñ jetekşisi Kerimbekov Aydın Janwzaqwlı:

«Mwnda ärbir önimdi halıqtıñ alañdamay ala beruine kepildik beriledi. Sebebi, bwl ortalıq  arnayı laborotoriya men  türli joğarı tehnikalıq apparattarmen jabdıqtalğan. Jospar boyınşa, birinşi kezeñ jazğa deyin jalğasın tappaq jäne qazirgi tañda 34 arnayı kelisimşarttarımız bar. Şığıs Qazaqstan oblısnıñ «Aytas» pen Soltüstik Qazaqstan oblısınıñ «Tayınşı süt» kompaniyaları bizge özderiniñ tauarların tikeley jiberip otıratın boladı. Aldağı uaqıtta Oñtüstik Qazaqstan jäne Jambıl oblıstarımen kelisim şart jasaymız».

Foto: "QazaqTimes"

«Mizam» köterme-bölşek sauda ortalığı – memleket pen jekemenşik seriktestigi negizinde jüzege asırılğan jäne tolıqtay jeke investordıñ qarajatına salınğan. Aldağı uaqıtta AQ «UzAgroTrade», «Mizam» jäne Almatı kalasınıñ auıl şaruaşalıq basqarmasımen  üşjaqtı memorandum jobası talqılanadı. Jalpı jobanıñ qwnı: 3,1 mlrd teñge. Al bügingi 2,5 mıñ şarşı km audandı qamtitın ortalıqqa 1,5 mlrd qarjı ketken. «Mizam» sauda ortalığı qazir 300-den asa adamdı jwmıspen qamtamasız etip otırsa, aldağı uaqıtta bwl körsetkiş 2000-ğa deyin köterilmek.

"Mizam" köterme-bölşek sauda ortalığınıñ aşılu saltanatı. Foto: QazaqTimes

Ayta keteyik, «Mizam» köterme-bölşek sauda ortalığınıñ meken-jayı: Soltüstik aynalma köşesi, 28. Bazar 8.00-21.00 aralığında jwmıs isteydi, basşıları keyinnen aptasına 7 künnen, 24 sağat halıqqa qızmet etetindigin aytadı. Eger jüzege asıp jatsa, «Mizam» – 24 sağat jwmıs isteytin alğaşqı köterme-bölşek sauda ortalığı bolmaq.

«The Qazaq Times»