Foto: vlast.kz

Auıldıq jerde şağın käsipkerlik üşin qarjılıq resurstarğa qol jetkizu qiın. Bwl turalı Soltüstik Qazaqstan oblısınıñ käsipkerleri «Atameken» QR WKP töralqa törağası Timur Qwlıbaevpen kezdesu kezinde mälimdedi, dep habarlaydı käsipkerler palatasınıñ baspasöz qızmeti. 

Qazirgi tañda oblısta auıldıq jerdegi käsipkerlikti qarjılandıru üşin 19 mikronesielik wyım men 13 auıldıq nesielik seriktestik jwmıs isteydi eken. Alayda, käsipkerlerdiñ aytuınşa, bwl nesielik wyımdarda birşama olqılıq bar: qısqa merzimdi nesieniñ sıyaqı mölşerlemesi joğarı jäne seriktestik qatısuşıları men auıl şaruaşılığı jobaların ğana qarjılandıradı. OSı sebepti käsipkerler «Atameken» Wlttıq käsipkerler palatasınıñ mikronesieleu boyınşa täjiribesin Soltüstik Qazaqstanğa da engizudi wsındı. Timur Qwlıbaev bwl bastamağa qoldau bildirgen.

«Bıltır altı oblısta pilottıq jobanı wyımdastırdıq. Nätijesi köñil quantarlıqtay. Barlığı da jaqsı jwmıs isteude. Oblısta ösimdik jäne mal şaruaşılıqtarı bar, qajetti qwraldardıñ barlığı da orın alğan. Sondıqtan bwl täjiribeni qarastıru qajet. Äkimdikterdiñ mikronesielik wyımdarda qor qwruına rwqsat berui üşin QR Ükimetiniñ otırısında bwl mäseleni talqılaymız. Sonda sizderde qarajat qorı payda boladı», ­– dedi Töralqa Törağası.

Ayta keteyik, bwğan deyin Timur Qwlıbaev biznes problemalarğa tap bolıp jatsa, şwğıl äreket jasauımız kerek dep mälimdegen. Onıñ sözinşe, biznes qoğamdastıqpen birlese otırıp, otandıq käsipkerlerdi tiimdi qoldau şaraları äzirlenbek.

“The Qazaq Times”