foto: russian.rt.com

Saud Arabiya hanzadası Mwhammed bin Salmannıñ jurnalist Jamal Haşoggi ölimine qatısı barı anıqtalğan jağdayda, Amerikanıñ bir top senatorları taq mwragerine qarsı sankciya saluı mümkin.  Soñğı şeşim CRU-dıñ zertteu qorıtındısınan keyin şığatın boladı.

Senator-respublikaşı Lindsi Grem bwl oqiğanıñ nazardan tıs qalmaytındığın, sonımen qatar ädil jaza beruin talap etetindigin naqtı mälimdedi. Al, bwdan säl erterekte AQŞ-tıñ Halıqaralıq ister komitetiniñ basşısı Bob Korker aldağı apta Saud Arabiyasına qatıstı zañ orındarı üşin öte mañızdı bolatındığın aytqan edi.

Istambul qalasındağı Saud Arabiyasınıñ bas konusuldığında qaza tapqan Saudiyalıq jurnalist Jamal Haşoggi Washington Post basılımında belsendi türde qızmet atqarğan.

Türkiya bas prokuraturasınıñ mälimeti boyınşa, atalğan qılmıs aldın ala josparlanğan.  Sonday-aq Haşoggidi ğimaratqa kirgen uaqıtta birden buındırıp öltirdi degen boljamğa kelip otır. Bwdan keyin onıñ denesin bölşektep, qwdıqqa tastağandığı da anıqtaldı. Alayda, denesi tolıqtay tabılğan joq. Osığan baylanıstı Saud Arabiyasınıñ 18 ökili twtqındalğan. Bwdan bölek, Mwhammed bin Salmannıñ qatısı bar ekendigi de kün ötken sayın şındıqqa janasuda.

Esteriñizge sala keteyik, Haşoggi öliminen keyin taq mwrageri alğaş ret şet eldik turne wyımdastırğan bolatın. Onda Arab ämirligine qarastı elderge barudı josparlağan edi. Qazirgi tañda Tunis eliniñ bir top twrğını onıñ elge keluine qarsı narazılıq akciyasına şıqtı. Bwdan bölek, Aljir memleketi de Salmannıñ atalğan elge at basın bwruına qarsılıq bildirude.