Foto: tengrinews.kz

Şığıs Qazaqstan oblısınıñ äkimi Danial Ahmetov resmi issaparmen Qıtaydıñ Şıñjañ wyğır avtonomiyalıq audanına bardı.

İssapar barısında Danial Ahmetov Şıñjañ Wyğır avtonomiyalıq audanınıñ basşısı Şohrat Zakirmen ekijaqtıq kezdesu ötkizdi. Qos tarap Şığıs Qazaqstan men Şıñjañ audanı arasındağı sauda-ekonomikalıq, auılşaruaşılıq, medicina, bilim jäne temir jol salaların odan arı damıtuğa baylanıstı kelissözder jürgizdi.

Şığıs Qazaqstan oblısı ökilderi osığan deyin Qıtay tarapımen soñğı 4 jılda är türli deñgeyde 15 kezdesu ötkizgen.

Osı twsta ayta ketetin bir jayt, soñğı uaqıttarı BAQ betterinde «jergilikti bilik Qıtaydağı etnikalıq qazaqtardı qudalap, mäjbürli türde sayasi üyrenu lagerlerine jiberude» degen aqparattar tarauda. Osığan baylanıstı bıltır Astanada ötken Düniejüzi qazaqtarınıñ V qwrıltayında Germaniyadan kelgen etnikalıq qazaq Ömirhan Altın prezident Nwrswltan Nazarbaevtıñ aldında mälimdeme jasağan. Keyinnen memleket basşısı SİM men qwzırlı organdarğa atalmış mäselege memlekettik deñgeyde aralasuğa tapsırma bergen. Biraq sol uaqıttan beri Qıtay tarapı Qazaqstan SİM jibergen notalarğa mardımdı jauap qatpay keledi.

"The Qazaq Times"