foto: time.kz

Reseydiñ Novosibir oblısındağı FSB şekara qızmetkerleri 17 jıl bwrın äskerden qaşqan sarbazdı twtqındadı. Wzaq uaqıttan beri Qazaqstan aymağında ömir sürgen azamatqa wstalğannan keyin zañ boyınşa ayıp tağıldı.

2001 jılı äskeri bölimnen qaşqan Oleg Ermolaev wzaq jıldar boyı Qazaqstan aymağın mekendegen. Qarağandı jäne Pavlodar oblıstarında fermerlik şaruaşılıq jwmıstarında jürgen sarbaz biıl eline oraluğa bel buğan. Osılayşa, 36 jastağı azamat Resey şekarasın zañsız jolmen kesip ötpek bolğan uaqıtta wstaldı. Novosibir äskeri sotı onı üş jılğa bas bostandığınan ayırıp, 50 mıñ rubl' köleminde ayıppwl töleuge ükim şığardı. Büginde sottıñ şığarğan şeşimi tolıqtay zañdı küşine engen.

Esteriñizge sala keteyik, 2012 jılı Vladislav Çelah öziniñ 15 äriptesin öltirip, tau arasına birneşe kün jasırınğan bolatın. Alayda, qwrıqtalğannan keyin özimdi qorğau üşin osınday äreketke bardım dep aqtalğan edi.

Jıl sayın türli amaldar tauıp äskerden qaşatın sarbazdar bizdiñ elde de jetkilikti.   Keybir sarapşılar älimjettik pen zorlıq-zombılıqqa şıday almağandar osınday qadamğa köptep baratının mälimdep otır. Otan aldındağı borışın öteuge attanğandar opasızdıqtıñ kesirinen ne qaşıp nemese öz-özine qol jwmsap, merzimin ayaqtamay äskerdi tastauğa bel buıp jatadı.

"The Qazaq Times"