Foto: etozhizn.ru

New World Wealth  konsaltingtik kompaniyasınıñ zertteu qorıtındısı boyınşa, eñ köp mul'timillionerler Gonkong qalasında twradı. Jalpı sanı 15 400 adam. Atalmış  wyım baylardıñ qay qalada köp twratındığın anıqtau üşin olardıñ jıljımaytın mülikterin, villa men yahtaların, jeke wşaqtarı men basqa da menşigindegi zattardı nazarda wstadı. Mul'timillionerler qatarına kem degende 10 million AQŞ dolları bar baylardı jatqızğan. Mul'timillionerlerdiñ köbiniñ tañdağanı AQŞ bolğan. Zertteu qorıtındısın Etozhizn saytı jariyaladı.

Gonkong

15 400 mul'timillioner

Foto: etozhizn.ru

Aziyanıñ bastı qarjı ortalığı bolıp tabılatın Gonkong – resmi türde Qıtaydıñ qwramına kirgenimen, is jüzinde bwrın-soñdı bolmağan avtonomiya retindegi qala.  15 400 mul'timillionerden basqa mwnda 211 700 millioner twradı.  Gonkongtıñ eñ bay twrğındarınıñ barlığı (jalpı esepte)  $350 mlrd AQŞ dollarına ie. Mwndağı eñ bay adam  Li Kaşin – 86 jastağı biznesmen, $30 mlrd. Sonday-aq ol Aziyanıñ eñ bay adamı bolıp esepteledi. Ol qayırımdılıqpen aynalısadı, jıl sayın eldegi ärtürli universitetterge qarjı beredi jäne türli apat saldarınan zardap şekken twrğındarğa kömek körsetedi.

N'yu-York

14 300 mul'timillioner

Foto: etozhizn.ru

Sonday-aq, joğarıdağı mul'timillionerlermen qatar, 319 700 millioner twradı. N'yu-Yorktıñ eñ bay twrğını – Devid Koh, Koch Industries atalatın kompaniya oğan äkesinen mwragerlikke berilgen, $52 mlrd AQŞ dolları. Koh twraqtı türde 10 mlrd dollar medicina salasındağı zertteu jwmıstarına salıp otıradı. Oğan qosa ol AQŞ-tağı konservativti sayasi küşterdi qoldap otıratın körinedi. Odan keyingi orında $34 4 mlrd AQŞ dollarına ie,  N'yu-Yorktıñ bwrınğı meri – Maykl Blumberg twradı. Onıñ  köpşilikke belgili Bloomberg atalatın mediaimperiyası bar.

London

9700 mul'timillioner

Foto: etozhizn.ru

Wlıbritaniyanıñ astanasında 9700 mul'timillioner bar –Gonkong pen N'yu-Yorkten az bolğanımen, Londonda jalpı millioner sanı köp: 395 600. Onıñ üstine mwndağı bay adamdardıñ basım böligi – şet eldikter. Mısalı Londonnıñ eñ bay adamdardıñ işinde ündi Lakşmi Mittal, Roman Abramoviç pen Alişer Usmanov esimdi orıstar, t.b. Britandıq  The Sunday Times jurnalınıñ qorıtındısı boyınşa, Wlıbritaniyadağı eñ bay adam – Alişer Usmanov, $18,6 mlrd. Ol – tegi özbek, Resey azamatı. Bir qızığı, 2012 jılı Bloomberg baspasözinde Usmanovtı eñ bay Resey azamatı dep tanığan. Al britandıqtar onı Londonda twratın jäne qızmet etetin eñ bay biznesmender qatarına jatqızadı. Onıñ menşiginde  «Megafon» mobildi operator, «Kommersant»  baspa üyi, mail.ru portalı jäne t.b. bar.

Mäskeu

7600 mul'timillioner

Foto: etozhizn.ru

Resey astanasında 7600 mul'timillioner jäne 76 100 millioner bar. Mäskeudegi eñ bay adamdardıñ köşin  Londonda twrıp jatsa da, Usmanov Alişer bastap twr, $18,6 mlrd.  Odan keyingi orın Mihail Fridman, $17,6 mlrd. Onıñ «Vımpelkom» atalatın mobildi jüyesi bar.  Üşinşi orında Viktor Veksel'berg, $17,3 mlrd. Veksel'bergtiñ «Rusal» atalatın alyuminiy kompaniyası men «Renova» biznes-tobı bar.

Los-Andjeles

7400 mul'timillioner

Foto: etozhizn.ru

Los-Andjeles –  gollivudtıq akter, rejisser men prodyuserlerimen tanımal, kinoindustriyanıñ astanasına aynalğan qala. Mwnda 7400 mul'timillioner men 165 000 millioner twradı. Los-Andjelestiñ eñ bay twrğını – qıtaylıq immigranttardıñ balası Patrik Sun-Şion, $7,2 mlrd. Ol – belgili hirurg, ğalım jäne biznesmen, farmacevtika  industriyasındağı eñ bay amerikandıq bolıp tabıladı.

«The Qazaq Times»